Ieremia 20:8 - Te B'aib'ara

⁸ Ko a tia n kariaia b'a n na ti katanoataa te urub'ai ma te mate. Bon akea te b'ai ae e anganai am rongorongo b'a ti taetae n aki akaaka ao taiani kangaanga.

Ieremia 20:8 ပူးပေါင်းရင်းမြစ်များ

2.Uea 2:23

E kiitana ikekei Eritai, ao e m'angana nako Betaera. Ao ngke e tabe n nakonako ao a takaarua tabeman ataei ni maanee ni b'ainikirinna ao a taku, “Naako mai ikai te mara n atu. Kiitana ikai!”

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Itaia 57:4

Antai ae ko na b'ainikirinna? Antai ae ko na kakanikoa? An tarai moa am bure aika kateinibabako.

Ieremia 15:10

Tera ngke I aki bungiaki! I aki toki n reke n te kangaanga ma kaain Iuta ni kabane. I aki taatangoa te m'ane ke n taarau. ma a bane ni kamaraiaai aomata nako n te aro ae ti te arona.

Ieremia 15:15

Kam bon noora aron karawaawatakiu n taeka aika a kamaraki aika a aki toki n rooroko, ao I karaoi baikai ni kabane i bukim te UEA. Ko na aki taotaona nanom nako ia au kairiribai; Ko na irataangau nako ia i m'aain ae a tiringai.

Ieremia 17:27

Ma ngkana kam teimatoa n uouoti b'aai i nanon mataroan te kaawa akanne n te Kaitibong ao n teimatoa n karaoia b'a te bong n aki akaaka, ao N na kaurai taian mataroa aikai ma ni kab'aka te kaawa, n reitaki ma nonona nako.

Ieremia 20:7

Ko kam'aneai, te UEA, ao I bon riki b'a te nanobaba iai. Ko korakora riki nako iu, ao Ko a tia ni kataenikaiai. A aki toki aomata ni matanikakanikoai ao n taetae n aki akaaka nako iu.

Ieremia 28:8

b'a i m'aain bungiakira, ao burabeti a taetaekina te abanuea ae e korakora ae e na oreaki n te buaka, te kabuanib'ai, ao te aoraki.

Ieremia 5:1

Kakaaia aomata aika a raoiroi i Ierutarem aika a kataia ni kakaonimaki. Ngkana e konaa n reke i roumi temanna, ao N na kab'ara ana bure te kaawa ae e b'anin.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Ieremia 6:10

I a tia n tuangiia aomata ae Ko na katuaaia ngkoe ae te UEA, ma a ti ngare ao a rawa n ongo.

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Ab'akuka 1:3

Bukin tera ngkai ko karikai b'a n na noori kangaanga aikai? Ko na kanga ni kan noori m'akuri aika a buakaka aikai? E katobibiai te urub'ai ma te kabuanib'ai, ao e a bo te un ma te ngurengure n aki-akaaka.

Ruka 11:45

E kaeka te rooia temanna ao e kangai, “Te Tia Reirei, Ngkai Ko taekin am taeka akanne ao Ko kabuakakaira naba iai.”

Ebera 11:26

E taku i nanona b'a te b'ai ae kakawaki riki te taetaebuakaki i bukin te Mesia nakoni kaub'ain Aikubita aika bati: b'a e tabe n iaiangoa te kaniwanga are e na anganaki n te tai ae na roko.

Ebera 13:13

Ma ngaia ae ti na nako Ina i tinanikun te nne ni maeka n rianna, n uaia n uataboa ma Ngaia kamamaaeana.

1.Betero 4:14

Ngkana kam tataebuakaki i bukin arani Kristo, ao kam a kab'aia; b'a E mena iroumi te Tamnei ae kamimii arona, ae Tamnein te Atua.