Ieremia 20:7 - Te B'aib'ara

⁷ Ko kam'aneai, te UEA, ao I bon riki b'a te nanobaba iai. Ko korakora riki nako iu, ao Ko a tia ni kataenikaiai. A aki toki aomata ni matanikakanikoai ao n taetae n aki akaaka nako iu.

Ieremia 20:7 ပူးပေါင်းရင်းမြစ်များ

2.Uea 2:23

E kiitana ikekei Eritai, ao e m'angana nako Betaera. Ao ngke e tabe n nakonako ao a takaarua tabeman ataei ni maanee ni b'ainikirinna ao a taku, “Naako mai ikai te mara n atu. Kiitana ikai!”

Iobi 12:4

A ngareakinai naba n arou aei uaake bon raoraou; e ngae ngke I eti raoi n akea te b'ai ae I reke ni bukinaki iai. Bon iai ngkoa te tai ae kaekaekai iai au tataro te Atua.

Iobi 30:9

Ao ngkai a roko ni b'ainingareai, ao I riki b'a aia b'ai ni manikangare.

Taian Areru 119:51

A aki toki ni kaenaenaai akana kainikatonga, Ma I kakaonimaki n iri nanon am Tua.

Itaia 8:11

E tauai te UEA ni baina ae e korakora ao e taku: I kauringko! Ko na aki katotoongia aomata aikai.

Ieremia 15:10

Tera ngke I aki bungiaki! I aki toki n reke n te kangaanga ma kaain Iuta ni kabane. I aki taatangoa te m'ane ke n taarau. ma a bane ni kamaraiaai aomata nako n te aro ae ti te arona.

Ieremia 15:18

I ikoaki kaakaiaki ao e aki tootoki marakiu. Ko nang kab'araa nanou kaanga te raanga n ran ae e a m'auteretere i nanon tain te aumaiaki ae e kabuebue?

Ieremia 17:16

Ara UEA, Ko rineai b'a N na kaawakiniia Am aomata, ao bon anne te b'ai ae I a tia ni karaoia. Ko atai b'aai ni kabane aika I a tia n taekin, ao bon akea te tai teuana ae I butiiko iai b'a Ko na katuaaia iai.

Ieremia 20:9

N taai tabetai ao I taetae bon i nanou b'a N na aki manga oki n iangoiko te UEA, ke n atoatonga aram. Ma a ura am taeka i nanou ma riiu, ao I a aki konaa ni kainab'aabu.

Ieremia 29:26

I mwiin maten Ieoiata are te ibonga, E rineiko te UEA b'a ko na riki b'a te ibonga are e tararuaia te taanga ni bureitiman i bukin te Tembora. Ko ataia aomata b'a akana a boni baba ma ni bakaaea te riki ni burabeti a riai ni katikaki ma ni kabaeaki n taian tiein ao biiti are kabaean te roroa.

Ieremia 38:19

Ao e kaeka Tetekia, “I bon aki konaa n taenikai nako ia kaain B'aburon. I bon rangi ni maakuia taiani Iutaia ake a kaman reitaki ma ngaiia. B'a ane a na anga ngai kaain B'aburon nako ia taiani Iutaia akanne, ao a na bae ni kamarakai.”

B'aeb'aeti 3:14

A ngareakinai aomata ni katoa bong; I a riki b'a kaanga te b'ai ni kangare nakoia.

Etekiera 3:14

Ao e uotai nako te Tamnei nako kiiraroa. Ao e niiniai m'aakan te UEA ao E kairai, ao e a rangi ni maraki nanou ao I un.

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Iona 4:2

Ao e tataro, “Te UEA, tiaki b'a bon aei te b'ai ae I kaman tuangko i m'aain kitanan mwengau b'a ko na bon karaoia? Ao bon anne bukina are I karaoa iai au kabanea n raoiroi ni biri nako Tibein! B'a I ataia b'a bon te Atua n Tangira ao n Akoi ngkoe. Ko aki kakaiun, Ko nanoanga, man tauraoi ni bita nanom, man aki karekekai.

Mika 3:8

Ma ngai bon irou, E a tia ni karina tamneina ao korakorana te UEA irou, ao E anganai ataakin te eti ao te ninikoria ni kan tuangiia Iteraera aroia aika a bure.

Ruka 16:14

A ongo baikekei ni kabane B'aritaio ake a baki m'ane, ao a kakanikoa Iesu.

Ruka 23:11

Ao Erote ma ana tautia, a kaota te aro n aki karinerine nako Ina, ao a kakanikoa; ao ngkanne a katokaa i aona te kunnikai ae tamaroa, ao a manga kaokia nakoni Birato.

M'akuri 17:18

E kauntaeka naba ma taan rabakau tem'angina aika aranaki b'a Ebikourio ao tabeman b'a Tetoiko, A taku tem'angina i buakoia, “Tera ae e kataia n taekinna te aomata ae kakanrabakau aei?” Ao a kaangai tabem'aang, “Kanga te tia taekinia taimonio aika ianena.” B'a e kab'arab'araa nakoia taekan Iesu ma te manga-maiu mai buakoia maate.

M'akuri 17:32

A kakaniko tem'angina ngke a ongo taekaia maate b'a a kona ni manga uti; ao a taku ake tem'angina, “Ti a manga ongora i roum n taekan naba te baenne.”

1.I-Korinto 9:6

Ke ti ngai ma B'arenaba aika ti na m'akuri ni karekei baika ti kainanoi i bukini maiura?

Ebera 11:36

A kataaki tem'angina ni kakanikoaia ao ni kataereaia, ao tem'angina ni kabaeaia n taurekereke ao ni kainakiia n te karabuuti.