Ieremia 20:5 - Te B'aib'ara

⁵ E na kaitiaka kaub'ain te uea ma n anai b'aai nako aika a kakaawaki mai Ierutarem.

Ieremia 20:5 ပူးပေါင်းရင်းမြစ်များ

2.Rongorongo 36:10

Ni bongin te aumeaang n te ririki, ao e katika Ieoiakin uean Aikubita are Nebukaneta ao e uotia nako B'aburon, ni ikotaki ma b'aai riki tabeua aika a kakaawaki aika b'ain te Tembora. Ao e a manga rinea Tetekia Nebukaneta b'a e na uea i aon Iuta.

Itaia 39:6

N te bong teuana ao ane a na uotakinako iai b'aai aika kam a tia ni kaawakin ma ami bakatibu nako B'aburon. E a tia ni berita te UEA b'a bon akea te b'ai teuana ae e na tiku.

Ieremia 12:12

A m'ananga n te kawai are e ri rarikin mataniwiin te rereua tautia ake taan tiritiri ao a buaka n taabo nako. Bon au kabaang ngaiia aika a tiritiri; ao bon akea temanna ae e konaa ni maiu irouia.

Ieremia 15:13

N na anganiia ami b'ai ni kabane i bukina b'a kam a tia ni bure n taabo nako i aon abami.

Ieremia 17:3

Ma ngaia are, N na anai ami b'ai ni kabane, n reitaki ma ami baonikarea nako, ma n anga ni kabane nako ia ami kairiribai.

Ieremia 3:24

Ni moa man aia bong ara bakatibu ngke te botannaomata ngaira ae e uarereke, e a tia n anai ara uita ara nanai ni man ma natira mm'aane ao natira aine B'aara are te kananoanga.

Ieremia 32:24

E a buakanaki ngkai Ierutarem, ao ti a kainano ni baki ma n aoraki. A a tia kaain Aikubita ni katei b'ain ninian oon ara kaawa, ao Ko konaa n nooria b'a E nang tauaki Ierutarem n aron are Ko a tia n taekinna.

Ieremia 39:2

Ao e b'aka nonon te kaawa ni karuaiwan bongin te nam'akaina are te kaaua n ana katebwi ma teuana n ririki ni uea Tetekia.

Ieremia 39:8

Inanon te tai anne, a tia ni kabuoki taian auti ana taanga ni buaka B'aburon i Ierutarem, n reitaki ma ana bareti te uea, ao a tia naba ni kab'akai nonon te kaawa.

Ieremia 4:20

I nooria kairiribai ngke a konaira n te tai teuana ma teuana ma ni katikui b'aai i mwiia n urubekebeke. E bon uruaki naba mwengau ni bon te tai naba anne.

B'aeb'aeti 1:10

E a tia te UEA n tabuia ianena b'a a na aki rin n te Tembora, ma a bon noriia aia kairiribai ngke a rin iai. A rin ni iraei kaub'ain te Tembora.

B'aeb'aeti 1:7

Ngkami aika kaain Ierutarem, kam na uringi b'aai aika a tamaroa ni boong aika a b'akanako. Ngke e b'aka irouia ana kairiribai ao bon akea ae kani buokia. Ao a ngareakinna ana kairiribai ngke e a konaaki.

B'aeb'aeti 4:12

Bon akea temanna ae kakoaua b'a e kona n niniaki Ierutarem, ni moa mai roun te aomata n aki akaaka ni karokoa te uea.

Etekiera 22:25

Ti te bo aia taani kairiiri ma taian raian aika a bekorara, ma n raebitiia konaia n aki akaaka. A kamateia aomata, ao i mwiina, a kimoai b'aai ni kabane aika a kakaawaki. A tiringiia buuia m'aane, ao a m'aiti aine ake a tiku n akea buuia.

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.

Otea 13:15

E aoria ngkana kam kakab'aia riki nakoia baronga ake tekorakina, N na kamaunaa nakoko Ngai ae te UEA, kaanga aron te ang ae kabuebue ae kam'aua te karaanga n ran. N na uoti nako kaub'aimi aika a tamaroa.