Ieremia 20:12 - Te B'aib'ara

¹² Te UEA ae Moan te M'aaka, Ko kataia akana a karaoa ae e raoiroi, ao Ko atai naano ao iango ni kabane. I a tia n tuangko ngurengureu nako, ngaia ae N na matakuakiniko ngkana Ko a irataangau nako ia au kairiribai nako.

Ieremia 20:12 ပူးပေါင်းရင်းမြစ်များ

2.Rongorongo 24:22

Ao ngke e nang mate Tekaria ao e taku, “Bon au tataro b'a E noori baikai te UEA ao E na bon katuaaingkami ni kabane.”

Taian Areru 11:5

E neneri aroia aomata aika raoiroi ma aika buakaka; ao E ribaia taani kakiriwe ma nanona ni koaua.

Taian Areru 139:23

Te Atua, ko na kekera nako arou, ao ataa nanou, Ko na kataai, ao kunei au iango.

Taian Areru 17:3

Ko ataa nanou; Ko a tia ni kawarai n te bong; Ko a tia n nenera arou ao akea te nano ae buakaka irou. E a tia n au iango b'a n na bon aki tataekina te kewe.

Taian Areru 54:7

B'a Ko a tia ni kamaiuai man rawaawatau ni kabane, Ao I a tia n noriia aiau ngke a tae aia kai.

Taian Areru 58:10

Ane a na kakatonga aomata akana raoiroi n noriia akana buakaka ngkana a reke kaiia. Ane a na teboki waeia n raraaia akana buakaka.

Taian Areru 59:10

E tangirai Atuau ao E na nako iu; E na kairai b'a N na noriia taan ribaai ngkana a tae aia kai.

Taian Areru 62:8

Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Taian Areru 7:9

Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Taian Areru 86:4

Te Uea, kakukureiai, ngai ae am Toro, b'a a waerake au tataro nakoim.

Itaia 37:14

Ngke e tia Etekia ni wareka te rongorongo mai roun uean Aturia, ao e uotia nakon te Tembora ao e taakinna b'a E na nooria te UEA.

Itaia 38:14

I tang n ai aron te tuwaaro; I tanginiwenei n ai aron te taobe. A uraura matau i bukin kakaaeam, te UEA. I a tira. Taiaoka nakomai buokai. E a oneaki maiu nakon ae e maai; N na aki nakonako raoi ni karokoa mateu.

Ieremia 11:20

I tataro nakon te UEA ni kaangai, “Te UEA ae Moan te M'aaka, Ko bon kaakaraoa ae e raoiroi, ao Ko atai iango ni kabane. Ma ngaia are, I onimakiniko b'a ko na buokai n irataangau.”

Ieremia 12:8

A manga rairaki ni kaaitaraai Au aomata ao a bekorara nako iu kaanga raian. Bon anne te b'ai ae I ribaia.

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Ieremia 17:18

Ko na kaakea kab'akau ao b'ainrangiu, ma ko na kab'akaia au kairiribai ma ni kab'ainrangiia. Karokoa te urub'ai irouia b'a e aonga ni kororaoi bukin maakuia.

1.Betero 2:23

Ngke E taetaebuakaki, ao E aki kabooa n te taetaebuaka naba; ngke E kamarakaki, ao E aki taetae b'a E na kareke kaiia ake a kamarakia; ma E kaaki taekana nakon Teuare motiki raoi taeka.

1.Betero 4:19

Ma ngaia aei, b'a akana maraki, ngkai bon nanon te Atua i bukiia, ao a na mwiokoi maiuia n aroia ni karaoa ae e raoiroi iroun te Tia Karikiia ae kakaonimaki.

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”

1.Tamuera 1:15

“Teuaei, tai iangoia b'a I aki raoiroi!” E kaeka Nei Anna. “I aki manging. I bon aki momooi manging.