Ieremia 17:9 - Te B'aib'ara

⁹ Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Ieremia 17:9 ပူးပေါင်းရင်းမြစ်များ

Karikani B'aai 6:5

Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

2.Tamuera 11:15

E kaangai kanoan te reta arei, “Kaaki Uria i moan te taanga ni buaka are e korakora te buaka iai. Ao i mwiina, ko na kaokiia taani buaka mai rarikina, b'a e aonga n ikoaki ma ni mate.”

Taian Areru 51:5

I aki inaomata man te bure ma ngke I bungiaki; I a kaman rotaki n te bure ngke I bikoukouaki.

Taian Areru 64:7

Ma E katebe nako ia kanoan ana kai ni katebe te Atua, Ao a kuba nako ngke a ikoaki iai.

Taeka n Rabakau 28:26

Bon ti nanobaba aika a onimakin aia iango n ti ngaiia, ma ngkana ko maiu ni wanawana, ao ko na karaoa ae te raoiroi ni kabane.

Te Minita 9:3

E bon rangi n aki riai b'a e na booraoi rikin te b'ai ae ti teuana nakoira n tatabemaniira nako. Ti bon tei ni baba, ao ti rangirang ngkai ti maiu, ao i mwiina ti a manga mate.

Itaia 1:5

E aera ngkai ko na katuaaeaki riki? E aera ngkai ko aki katoka burem? E ikoaki atuum, ao ko a rangi ni mamaara.

Itaia 1:6

Bon akea taraan te maiu mai taubukin atuum nako taboni waem. A bon aoriia kunikunin rab'atam, m'akorokorona, ao manekana n aki tararuaaki, ke ni kabiraki n te b'a ni katokaki marakina.

Itaia 6:10

“Karaoaia aomata aikai b'a a na taningabono! bonoti taningaia, rabun mataia, karaoaia b'a a na aki ataa te b'ai teuana. Tai katanimaia nako iu b'a a na kamaiuaki.”

Ieremia 16:12

Ao ngkami kam a tia ni karaoa ae moan te buakaka riki! Kam taningabono, ao kam karaoi b'aai aika a buakaka ake a reke n ami iango, ngke kam bon riai n ongotaeka.

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Mataio 13:15

B'a e a reke irouia aomata aikai te roo n nano, ao a rawa taningaia ni kan ongo, ao a kamatakiaki mataia: b'a a kawa n noraba ni mataia, ao n ongora n taningaia, ao n atatai n nanoia, ao n rairaki b'a N na kamaiuia.’

Mataio 15:19

B'a a nako man te nano iango aika buakaka aika kaira te aomata b'a e na tiritiri, e na wene ni bure ma te ainenum'a, e na wene ni bure ma te aine ae akea buuna, e na iraa, e na bukibuki ni kewe, ao e na taekini baika aki raraoi b'a taekaia aomata tem'angina.

Mareko 2:17

Ngke E ongo Iesu, ao E taku nako ia, “Te koraki aika marurung, a aki kainanoa te tia katoki aoraki, ma e kainanoaki irouia aika a aoraki: I roko, tiaki b'a N na weteia akana raoiroi, ma I roko b'a N na weteia akana buakaka.”

I-Rom 1:21

A ata te Atua, ma a aki anganna neboana ngkai te Atua Ngaia, ao a aki kaitaua; ma a riki aia iango b'a baika akea bonganaia, ao a karooaki nanoia aika aki wanawana.

I-Rom 7:11

B'a te bure, ngke e reke ana tai, ao e burebureai n taekan te Tua, ao e kamateai iai.

I-Ebeto 4:22

Kam na kaaki te aomata nikawai are aromi ni maiu ngkoa, are riki ni buakaka i bukin iran taian nano n kaib'ab'aru aika a m'am'anaa te aba.

Ebera 3:12

Kam na tarataraingkami, taari, b'a e na aki mena iroun temanna i buakomi, te nano ae buakaka ae aki onimaki, ae te kani kitana te Atua ae maiu.