Ieremia 17:27 - Te B'aib'ara

²⁷ Ma ngkana kam teimatoa n uouoti b'aai i nanon mataroan te kaawa akanne n te Kaitibong ao n teimatoa n karaoia b'a te bong n aki akaaka, ao N na kaurai taian mataroa aikai ma ni kab'aka te kaawa, n reitaki ma nonona nako.

Ieremia 17:27 ပူးပေါင်းရင်းမြစ်များ

2.Uea 22:17

A tia kaain Iuta ni katinanikuai. A tia n angakarea nakon antiia Ianena ao a tia naba n taromauriia oin aia bouananti. I a bon aki konaa n taotaona nanou mai iai. E a rangi ni maraki nanou.’ ”

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

2.Rongorongo 36:19

A kabuoka te Tembora ana taanga ni buaka Nebukaneta ao a urui b'aai ni kabane kateitei aika a kakaawaki ake i nanon oon te kaawa are e buubura arei.

Taian Areru 122:7

E bia teimatoa te rau i nanon oon am kaawa ni kabaneia ao i nanon am bareti nako.

Itaia 1:20

Ma ngkana kam katei nako iu, ao kam na tiringaki irouia ami kairiribai. Bon aei au taeka Ngai ae te UEA.

Itaia 1:31

A na riki ami taani kairiiri b'a kaanga kaai aika a m'auteretere ae a kareaki aon te ai irouia aia bouannanti. A na bon akea ae e na konaa ni buobuoki, ngke a bane n urarake.

Ieremia 17:24

Kam na tabua te bong ae te Kaitibong! I anga ngkoa te tua aei nako ia ami bakatibu, ma a taningamatoa ao a aki ongotaeka ke a rawa ni kaetaki. Ma ngkana kam ongotaeka,

Ieremia 17:4

E na bua te aba are I anganingkami ao N na karikingkami b'a tooro i abaia ianena, i bukina ngkai kam a tia ni kakorakoraa uniu kaanga te ai ae e aki konaa n toki urana.

Ieremia 18:1

E taku te UEA nako iu,

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

Ieremia 21:14

ao N na katuaaeko n aron ae ko riai n anganaki. N na kauraa am bareti ao a na bane n urarake b'aai nako akana i rarikim.

Ieremia 22:5

Ma ngkana kam aki katinanikuai, ao I berita ni bon arau b'a e na wene n uruaki te bareti aei.

Ieremia 32:29

A a kaman buakana te kaawa kaain B'aburon, ao ane a na taua ma ni kaurarakea. E a tia ni kaunai kaain Ierutarem ngke a aki toki n tatam'arake nako taubukin aia auti ma ni kabuoka te b'ai ni kaboiarara nakon B'aara ao a anga te wain nako ia anti ake tabem'aang. Ao ngkai a nang kabuokaki auti aikai ni kab'akaaki!

Ieremia 39:8

Inanon te tai anne, a tia ni kabuoki taian auti ana taanga ni buaka B'aburon i Ierutarem, n reitaki ma ana bareti te uea, ao a tia naba ni kab'akai nonon te kaawa.

Ieremia 44:16

Ieremia ti bon aki tabe ngkana ko taetae n aran te UEA. Ti na bon aki kan ongo!

Ieremia 49:27

N na kaura te ai i aon oon nako ami kaawa ma ni kabuoki ni kab'akai taian nono ake karaoi ngkoa te Uea are Benatata.

Ieremia 52:13

E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.

Ieremia 6:17

I bon kanako ia naba taiani burabeti b'a a na kauringngkami i bukin te kabuanib'ai, ma ngke a katang te b'ai ni kauring, ao kam bon aki kan tabe iai.

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

B'aeb'aeti 2:6

E urua te Tembora are ti tataromauria iai ni kamaerikirikia; E katoki bong aika a kakannato ma Taabati. E korakora riki unna irouia uea ma ibonga.

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 16:41

ao a na kabuoka am auti nako. Ao a mataku koraki n aine ake te korakina ni b'aai ake a riki nakoim aika a kakamaaku. I berita b'a N na katoka arom n aine ni mataawa ma te anganga b'ai nakoia am tangira nako.

Etekiera 21:15

Ane a na mauna ninikoriaia ao a na b'aka ni maaku. E tataninga Au kabaang iai mataroa ni kabane, n raneanea ma n tauraoi nakon tiritiri.

Etekiera 21:3

b'a N nang katuaaia. N na kaotinakoa Au kabang ao I a tauraoi n tiringiia aomata nako, aika a raoiroi ma aika a buakaka.

Etekiera 22:8

Kam aki karinei taabo ake a tabu ao kam karaoa te Taabati b'a kaanga boong n aki akaaka.

Etekiera 23:38

Ao tiaki ti anne te b'ai ae a karaoia. A kabuakaka au Tembora ao a aki karinea te Taabati.

Otea 8:14

Iteraera, I karikingkami, ma kam m'aninga taekau. Ko karaoi taian bareti ngkoe ma Iuta ao kaawa aika a matoatoa. Ao ngkai N na kanakoa te ai b'a e na urua ami kaawa nako ma taian nono.

Amota 1:10

Ngaia are N na kab'aka te ai i aon aia oo man kabuoka aia nono.”

Amota 1:12

N na kab'aka te ai ni kamaunai nonon Teman, ao Botira.

Amota 1:14

Ngaia are N na kab'aka te ai i aon oon te kaawa man kabuoki nonon nako Raab'a. Ao Kairiribai a na takaakaa n te bong ni buaka, ao e na mangaongao te bo-ni-buaka kanga ai aron te ukeuke-n-anti.

Amota 1:4

Ma ngaia ae N na kab'aka te ai i aon te bareti are e kateaki iroun te Uea are Ataera, ao N na kabuokii nonon te Uea are Ben-atata.

Amota 1:7

Ma ngaia are N na kab'aka te ai i aon oon te kawa ae Kata, mani kabuoki nonona ni kabane.

Amota 2:2

N na kab'aka te ai i aon te aba ae Moaba, man kabuoki nonon Keriota. A na mate kain Moaba ni karongoaan te buaka, ngke a takarua tautia man katanga te buu.

Te Tua-Kaua 32:22

Au Aomata, N na ikeikena te ai are e na kab'akaingkami nako abaia maate. E na tiring arokan ami nne n aroka ma ni kabuoki rikaaki aan taiani maunga.

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!