Ieremia 16:19 - Te B'aib'ara

¹⁹ Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Ieremia 16:19 ပူးပေါင်းရင်းမြစ်များ

1.Uea 20:23

Ao a m'ananga ana taani kairiiri Benatata ni kawara Benatata ao a kab'arab'ara aia iango ni kaangai: Bon antin aoni maunga atuaia Iteraera. Ti konaaki irouia i bukina ngke ti buakaniia i aon taian tabuki. Ma ngkana ti buakaniia i aon te tabo ae e boraoi, ao ti na bon aki konaa ni konaaki.

Taian Areru 18:3

I wetea te UEA, ae ana b'ai te neboaki, b'a E kamaiuai mairouia taan ribaai.

Taian Areru 19:14

A bia riki au taeka ma namakin aika nako mai nanou b'a kakukureiam, te UEA ae te tia kamanoai ao au tia kamaiu!

Taian Areru 27:5

E na kawakinai ni kamanoai man te kaangaanga i nanon ana Tembora, ao E katokaai i aon te b'a ae rietaata ae N na maiu iai.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Taian Areru 62:2

Ti Ngaia katanau ao buokau; Ngaia ae kamanoai, ao N na aki kona n taenikai.

Taian Areru 62:7

E mena kamaiuau ma karineau iroun te Atua; Ngaia au tabo ni kamanomano ae matoatoa, ao nneu ni katantan.

Taian Areru 65:3

i bukin aia bure. Ti a aki konai moan ara bure, Ma Ko boni kab'arai naba.

Taian Areru 68:31

Ane a na roko mai Aikubita taan tei i bukin te tautaeka; Ane a na aantaeka I-Itiobia.

Taian Areru 86:9

Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

Taeka n Rabakau 18:10

Bon te taua ae e korakora te UEA ike a konaa ni biri nako iai ana aomata ni kamanoia

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Itaia 44:10

E aera ngkai kam karaoa te bouannanti ke bannan te b'ai teuana ae e aki konaa ni karaoa te b'ai teuana?

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Itaia 45:14

au Aomata, bon Ngai ae te UEA ae I berita b'a kam na b'ain kaub'ain Aikubita ao b'ain Itiobia aika kakaawaki Kam na kairoroia aomata ake ab'ab'aki i Tabea b'a ami toro. Ane a na bobaraaki ni kaangai, “E memena iroumi te Atua ae koaua; bon akea riki atua tabem'aang.”

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 62:2

E na nooraki am tokanikai ae e korakora irouia botannaomata ao uea; e na anganiko aram ae e boou te UEA.

Ieremia 10:3

Bon akea nanon aia aro! A koroi ni kab'akai taian aroka, ao a karaoi taian banna iai i bukin aia bouannanti,

Ieremia 10:5

Bon ti te bo te bouannanti ma b'ain kakamaakaia maan. E bon aki konaa n taetae, ao e na bon ti uouotaki. b'a e aki konaa n nakonako. E aera ngkai e taromauriaki te bouannanti ae e aki konaa ni buobuokingkami ke ni kaikoakingkami?

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Ieremia 14:8

Bon ti Ngkoe ara kaantaninga; bon ti Ngkoe are ko konaa ni kamaiura ngkai. Ko buokiira n te bong teuana, ma Ko a manga aki n te bong are i mwiina.

Ieremia 17:17

I onimakiniko i bukin te katantan i nanon tain te kangaanga, ma ngaia ae, Ko na aki kakamaakai.

Ieremia 2:11

ao ane kam na nooria b'a bon akea te botannaomata ae e a tia ni kiitana antina e ngae ngke tiaki atua ni koaua. Bon ti Ngai te Atua ni koaua ae E mimitong, ao kam a tia ni katinanikuai i bukin taromaurian taian bouananti.

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

Ieremia 3:23

Ti taromaurii bouannanti i aon taian tabuki ao e korakora karongoaara, ma bon akea manenaia boni Ngkoe ae Ko konaa ni kamaiura.

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Etekiera 11:16

Ma aio te b'ai ae I tangiria b'a ko na tuangiia Iteraera ake i B'aburon: Bon te koaua ae bon te UEA Ngai ae te Atua, ae I kairoroingkami ni kanakoingkami man oin abami ma ni karikingkami b'a kam na maeka i buakoia botannaomata aika ianena. Ma ngkai, N nang mena iroumi n taabo nako ike kam mena iai, b'a kam aonga ni konaa n taromauriai.

Ioera 3:16

E na bekorara te UEA kaanga te raian mai nuukan Ierutarem e na karurua aonnaba ma karawa. Ma te UEA bon te nono, te tabo ni katantan i bukiia ana aomata aika Iteraera.

Amota 2:4

E taku te UEA, “A teimatoa ni kakaraoa te bure kain Iuta ao N na bon katuaaia i bukin aei. A tia ni katinanikua au reirei, man aki kawakin au mwioko. A manga okira aroia aia bakatibu n taromauria antiia.

Naum 1:7

E raoiroi te UEA. E kamanoia Ana aomata n tain taiani kaangaanga. E kawakinia akana a rairaki nakoina.

Ab'akuka 3:19

E anganai korakorau te UEA. E karaoi waeu b'a ana aki marannako n ai aron waen te ria, ao E kawakinai raoi i aon te maunga.

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

I-Rom 1:25

A bita te koaua mairoun te Atua nakon te kewe; ao a taromauria te bae karikaki ma n toro i rouna, n onea mwin te Tia Kariki b'aai, are riai ni karaoiroaki n aki toki. Amen.

1.Betero 1:18

Kam ataingkami b'a kam aki kainaomataki ni baika kai mauna, ae te tirewa ma te koora, man aromi nikawai ae akea manenana, ae kam anganaki mairouia ami bakatibu;

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”