Ieremia 16:10 - Te B'aib'ara

¹⁰ Ane a na titiraki ni kaangai, “E aera ngkai e a kamarakiira Atuara n taiani kabuanib'ai aika a m'aiti? Tera te kaairua ae ti a tia ni karaoia ke ara bure nakoina?”

Ieremia 16:10 ပူးပေါင်းရင်းမြစ်များ

Ieremia 11:17

Bon te UEA Ngai ae Moan te M'aaka. Ngkami aika kaain Iuta bon te aroka ngkami ae I a tia n unikia, ma kam a tia ni kamaraka nanou ngke kam a manga anga karea nakon B'aara, n aron are a tia ni karaoia kaain te abanuea meaang. N na nang kouti ngkami mani waakami.

Ieremia 13:22

Kam ataia b'a aera ngkai a raeraeaki ami kunnikai ao ma ni kabuakakaki? B'a bon i bukin ami bure aika a rangi ni buakaka.

Ieremia 2:23

Kam kakewei ami bure ao kam taku, “Ti itiaki. ti aki taromauria B'aara.” Ma kam na iangoa te b'ai ae kam karaoia n te M'arua are Innom. Ao kam biriaitua kaanga kaamero aika ataei, ni kawaekoaingkami n taromauria te bouananti teuana i mwiin teuana.

Ieremia 2:35

Kam taku b'a akea ami bure, ao kam tangiria b'a N na aki un iroumi. Ma ngaia are, N na kateingkami n te kabowi, ao ti a nooria b'a antai ae e eti.

Ieremia 44:3

i bukina ngke a kaunai kaain Iuta ngke a manga taromaurii anti aika a bon tuai man buokiia ma aia bakatibu.

Ieremia 5:19

Ao ane a na titiraki akana a riki b'a nikira ni maiu ni kaangai, “E aera ngkai E karaoa te b'ai ae e kakamaaku aei te UEA ae te Atua nakoira?” Ao kam na tuangiia ni kaangai: Bon te UEA Ngai, ma kam a tia ni kiitanai n taromaurii anti tabem'aang ni bon oin abami. Ao ngkai kam na riki b'a tooro i abaia ianena.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

Otea 12:8

Ko kaangai i bon iroum, “I a kaub'ai! I bon karekei ni kabane i bon irou, ao akea te bure iai.”