Ieremia 12:8 - Te B'aib'ara

⁸ A manga rairaki ni kaaitaraai Au aomata ao a bekorara nako iu kaanga raian. Bon anne te b'ai ae I ribaia.

Ieremia 12:8 ပူးပေါင်းရင်းမြစ်များ

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Ieremia 2:15

A bekorara ami kairiribai kaanga raian ao a urua te aba; a wene n urarake kaawa ma akea kaaia.

Ieremia 51:38

A bekorara kaain B'aburon ao a kakarongoa kaanga raian ataei.

Etekiera 23:18

E kariaia aomata nako b'a a na nooria ni bebeekan ao e aki tabe ngkana e riki b'a ainen mataawa. Ao bon anne bukina ngkai I tannako mai rouna, n aron are I karaoia nakon tarina.

Otea 9:15

Iteraera, I moanna n ribaiko i bukina b'a ko karaoa te b'ai ae e buakaka i Kirekara. Ngkai N nang kakionakoingkami man Au auti. N na aki manga oki n tangiriko: a tia ami taani kairiiri ni keweai.

Amota 6:8

E a tia n anga te kauring te UEA ae rietaata ae moan te m'aaka ni kaangai, “I bati n ribaai aia kamoamoa Iteraera: I bati n ribaai naba mwengaia aika a raraoi, ao N na anga aia kaawa ae atuun aia tautaeka nakoia aia kairiribai.”

Mika 2:8

E kaekaia te UEA, “Kam buakaniia au Aomata n ai aroia kairiribai. A taku m'aane tabem'aang b'a a maiu b'a a okirii mwengaia ma te rau, i mwiin buakaia ma aia kairiribai. Ma ngaia ko a manga anai aia kunnikai b'a kakoaua i bukin aia taarau iroum.

Tekaria 11:8

E aki koro teuana te nam'akaina, I aki konaa n taotaona nanou irouia taani kaawakin tiibu aika teniman aika a ribaai, ao I karaoi taekaia.