Iakobo 5:4 - Te B'aib'ara

⁴ Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.

Iakobo 5:4 ပူးပေါင်းရင်းမြစ်များ

Karikani B'aai 4:10

Ao E a manga taku te UEA, “E aera ngkai ko karaoa te m'akuri ae rangi ni buakaka aei? E tang raraan tarim mai buakon te tano, b'a kaanga ai aron te b'anaa ae e tangira irantangaakina.

Iobi 34:28

A imanonoia aomata aika kainano b'a a na tang nakon te Atua, ao E ongo b'anaaia ni kan buokiia.

Iobi 7:2

Kaanga te aro ae rangi ni kainanoa aan te nu ae m'aitoro; kaanga te tia m'akuri ae tataninga anganakin boona.

Taian Areru 9:12

Ko aki m'aninga taekan katuaaeaia akana a buakaka ke ni kakauongo nakon tangiia akana a kainano.

Te Otinako 22:27

b'a bon ti anne rabunan te aomata ae maiu ni kainano are e na rabunna iai ngkana e matu n te tairiki. Bon te Atua Ngai ae I akoi, ao ngkana arona b'a a weteai, ao N na bon roko ni buokiia.

Te Otinako 3:9

A tia ni buubuti Au buobuoki Au aomata, ao I a tia n noora te m'akuri ni iowawa mairouia kaain Aikubita nako ia.

Itaia 1:9

E na riai n tia ni mauna nako Tion kaanga Tootom ma Komora,

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 5:9

Ma e a tia ni karaoa ana berita aei te UEA ae Moan te M'aaka nako iu: A na akea kanoan taian auti akana a buubura man tamaroa akanne, ao a na akea naba te tia kaawakin.

Ieremia 22:13

Te Uea ae Ieoiakim, ko a reke n te kaangaanga! Ko karaoa te bareti ae a rangi ni buubura ruuna ake i eta.

Nakoaia Ibonga 19:13

Tai iraa ke tao ni kam'anea temanna, ao tai toki ni kab'akai booia ami taani m'akuri ni katoa tokin te bong.

Ab'akuka 2:11

Ana takaarua naba atiibun taian oo ni kabuakakako, ao kain te auti ana taekina naba ae tii te arona.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 9:37

Ao E taku nakoia ana reirei, “A m'aiti uaa aika a boo taia n rikoaki, ma a karako taani m'akuri.

Ruka 18:7

Ao te Atua, tiaki E na iri taangaia ake a rineaki i Rouna, ake a tangitangira buokaia ni ngaina ao ni bong? E na kamanna n aki kaekai tangitangiia?

I-Rom 9:29

Ao e taku naba Itaia, “Ngke arona b'a te UEA are Moan te M'aka. E aki kamaiuia tabem'aang mai buakoia ara koraki, ao ti na kaman tia ni kamaunaki, n ai aroni kaawa ake Totom ma Komora.”

Te Tua-Kaua 15:9

Kam na taratara raoi b'a kam na aki kaangai i nanomi, Ae a kaan te kaitiua n ririki, ao ae e na aki okirai au m'ane. E na rangi n rawaawata ami bure ngkana kam karaoa anne, ao ngkana kam rangi n nanonrang naba n aki kan anganiia aika kainano buokaia. Bon am koraki, ao ngkana ko rawa ni buokiia, ao e aki ngkoa ao a butia naba te UEA, b'a E na baairei taekami b'a kam bure iai ke kam aki. Ao ane a na tua b'a kam bure.

I-Korote 4:1

Tooka, kam na karaoa ae riai ao ae eti n aromi nakoia ami toro; ngkai kam ataia b'a bon iai ami Toka i karawa.