Iakobo 5:15 - Te B'aib'ara

¹⁵ Ao ane e na kamaiua te aoraki te tataro n onimaki; E na kaokaki marurungina nakoina iroun te Uea, ao a na kab'araki ana bure ngkana e a tia ni bure.

Iakobo 5:15 ပူးပေါင်းရင်းမြစ်များ

Itaia 33:24

Ane e na kab'arai ami bure te UEA ao ane a na akea mai buakomi ae e na kaangai, “Kaanga I aoraki.”

Mataio 17:20

E taku Iesu nako ia, “I bukina b'a a karako ami onimaki. B'a e koaua ae I a tuangngkami, b'a ngkana iai ami onimaki ae ai aroni buburani koraan uaan te m'akeke, ao ngkana kam kangai nakon te maunga aei, Ko na m'ae maikai nako ikekei, ao e na m'ae; ao bon akea te b'ai teuana ae kam na aki kona!”

Ioane 5:14

E aki rangi ni maan i mwin arei, ao Iesu E nora teuarei n te Tembora, ao E taku nakoina, “Noria, ko a tia ni kamaiuaki, ma ngaia are ko na aki manga bure, b'a e kaawa n riki nako im te b'ai ae buakaka riki.”

Ioane 6:39

Aio nanon Teuare kanakomaiai: E tangirai b'a N na aki kabua temanna i buakoia ake E a tia n anganai, ma N na manga kamaiuia ni kabaneia n te kabanea ni bong.

1.I-Korinto 1:21

B'a te Atua, n rabakauna, ao E a tia ni karaoa ae a na aki kona n ataia aomata n oin rabakauia. Ma e ngae n aei, ao E a bon tia ni baireia b'a E na kamaiuia aika onimaki n te rongorongo n nanobaba ae ti tataekinna.

2.I-Korinto 4:14

b'a ti ataia b'a Teuare E a manga uti ara UEA are Iesu i Rouna, ti na maiu naba i Rouna ni botaki ma Iesu, ao E na kaotira ma ngkami i matan Iesu.

Iakobo 1:6

Ma e na bubuti ma te nano n onimaki, n aki nanokokoraki teutana; b'a ane nanokokoraki ai aron naoni marawa ae ukaki n te ang ao e kaueaki.

Iakobo 5:13

E taonaki temanna i buakomi n te rawawata? Ke e tataro. E kukurei temanna? Ke e anene.

Iakobo 5:16

Ma ngaia ae kam na kaotioti ami bure nakoimi, temanna nakon temanna, ao kam na tataro i bukimi, temanna i bukin temanna, b'a kam aonga ni kamaiuaki. E bati ni m'aaka ana tataro te aomata ae kakaraoa nanon te Atua, ngkana e tataro ma nanona.

Iakobo 5:20

ao e na ataia, b'a ane kaoka te tia bure man arona are kaairua iai, ao e na kamaiua maiun te tia bure anne man te mate, ao a na kamaunaki ana bure aika bati.