Iakobo 4:5 - Te B'aib'ara

⁵ Kam taku b'a akea manenan ana taeka te B'aib'ara are kaangai, “E rangi ni korakora nanon te Tamnei n tangirira, are E kamaekaa te Atua i nanora.

Iakobo 4:5 ပူးပေါင်းရင်းမြစ်များ

Karikani B'aai 26:14

Ao a rangi ni bakantang i rouna kaain Biritia i bukina ngke a rangi ni m'aiti ana tiibu, ana kao, ao ana toro.

Karikani B'aai 30:1

Ma bon akea natin Nei Rakera ma Iakob'a ae riki, ao Rakera e nanobwiia tarina, ao e taku nakon Iakob'a, “N na waekoa ni mate ngkana ko aki kakarekea natiu.”

Karikani B'aai 37:11

Ao a bakantang tarina i rouna, ma e tabetabe nanon tamana n te b'ai arei.

Karikani B'aai 38:9

Ma e ataia Onan b'a e na aki atongaki b'a natina, ma ngaia are, ngke e wene ma buun tarina, ao e katinakoa ana tari nako aontano, b'a e aonga n aki reke natin tarina.

Karikani B'aai 6:5

Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

Taian Areru 106:16

Ngke a bakantang irouni Moote n aia tabo ni kaemb'a n te rereua, Ao iroun naba Aaron are ana ibonga te UEA,

Taian Areru 37:1

Tai kabonoa nanom irouia taani bure; Tai bakantang irouia akana karaoa ae buakaka.

Taeka n Rabakau 21:10

A tangiria aomata aika a buakaka ni karaoa te kaairua, ni bon nakoia naba raoraoia nako.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Itaia 11:13

E na aki manga bakantang Iteraera iroun Iuta, ao e na aki manga riki Iuta b'a a na kairiribai Iteraera.

Warekaia Iteraera 11:29

Ma e taku Moote nako ina, “Ko ira taangau? I tangiria riki b'a E na anga Tamneina te UEA nako ia aomata nako, b'a a aonga n riki ni burabeti aomata ni kabane.”

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Ioane 10:35

Ngkana E atongiia te Atua te koraki ake E anganiia ana taeka b'a atua (ao e aki kona ni katinanikuaki taekan te B'aib'ara),

Ioane 19:37

Ao e kaangai naba te taeka teuana n te B'aib'ara, “Ane a na tara Teuare a ewaria.”

Ioane 7:42

Tiaki e taku te B'aib'ara b'a E na riki te Kristo man ana kariki Tawita, ao E na kaoti mai Betereem, are ana kaawa Tawita?”

M'akuri 7:9

A bakantang natin Iakob'a iroun tariia are Ioteb'a, ma ngaia are a kaboa nako Aikubita; ma E mena te Atua i rouna,

I-Rom 1:29

A kaonaki nanoia n te buakaka ni kabanea, ma te kani buakaka, ma te kani b'aib'ai ae korakora, ma te babakanikawai. A on n te bakantang, ma te nano ni kamamate ma ni kauntaeka, ma te uarao, ma te iowawa. Bon taani winanti,

I-Rom 9:17

B'a E kaangai te Atua nakoni B'arao n te B'aib'ara, “I karikiko n uea i bukin aei: b'a N na kaota m'akau i roum, ao b'a e aonga n ataaki arau i aonnaba ni bane.”

1.I-Korinto 6:19

Kam aki atai rab'atami b'a ana um'antabu te Tamnei are Raoiroi, are maeka i nanomi, are reke i roumi mairoun te Atua? Ai tiaki ami b'ai ngkami.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

I-Karatia 3:8

E a kaman ataia te B'aib'ara, b'a te Atua E na karekea reitakiia aomata aika tiaki I-Iutaia ma Ngaia n te onimaki; ao e taekina te euangkerio nakon Aberaam rimoa, ao e kaangai, A na bane ni kab'aia botannaomata i roum;

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.