Iakobo 2:8 - Te B'aib'ara

⁸ Ma kam karaoa ae e raoiroi ngkana kam toua mwin te tua are mairoun te Uea, are e koreaki ni kaangai, “Ko na tangira raom n ai aron tangiram i bon i roum.”

Iakobo 2:8 ပူးပေါင်းရင်းမြစ်များ

1.Uea 8:18

ao E taku te UEA, “E rangi n raoiroi ngkai ko iangoa karaoan te Tembora ae N na taromauriaki iai.

2.Uea 7:9

Ao a taetae bon irouia ao a taku, “E aki eti ae ti karaoia aei. Bon te bong ni kukurei te bong aei, ao ti tuai kaongoia aomata, ma ngaia ae ti na boni katuaaeaki ngkana ti aki kaongoia raora ni karokoa te moaningabong. Ti riai ni waekoa n nakon ana bareti te uea, ma ni kaongoia te rongorongo ae e kakukurei aei.”

Nakoaia Ibonga 19:18

Toki man te unun ao tai kataia ni kabooa kaim. Bon te UEA Ngai ae Atuami, ao I tuangngkami b'a kam na kakorakorai ngkami n tangiriia raomi n ai aron tangirakimi i boni i roumi.

Nakoaia Ibonga 19:34

Ma karaoa ae e raoiroi nakoia n ai aron ae ko karaoia nako ia kaain te aba, ao tangiriia n ai aron tangiram. Uringnga, bon te naa n iruwa ngkami ngkoa n te aba are Aikubita. Boni Ngai te UEA ae Atuami.

Iona 4:4

E kaeka te UEA, “E riai unim?”

Iona 4:9

Ao E taku te Atua nakon Iona “E riai unim i bukin te aroka?” E kaeka Iona, “E bon riai uniu n ua mateu!”

Mataio 22:39

Ao ai aron naba are te kauoua, are kangai: Ko na tangira raom n ai aron tangiram i bon i roum.

Mataio 25:21

E taku ana toka nako ina, “Ko a tia ni m'akuri raoi, te toro ngkoe ae ko raoiroi ae ko kakaonimaki. Ko a tia ni kakaonimaki nakon te b'ai ae uarereke, N na karaoiko b'a ko na mataniwi i aoni baika bati; ko na rin i nanoni kim'areirein am toka!”

Mataio 25:23

E taku ana toka nako ina, “Ko a tia ni m'akuri raoi, te toro ngkoe ae ko raoiroi ae ko kakaonimaki. Ko a tia ni kakaonimaki nakon te b'ai ae uarereke, N na karaoiko b'a ko na mataniwi i aoni baika bati; ko na rin i nanoni kim'areirein am toka!”

Mataio 7:12

Ma ngaia aei, b'a b'aai ni kabane aika kam tangiri b'a a na karaoaki nako imi irouia aomata, ao kam na karaoi naba nako ia: b'a aei te reirei ae kanoan tuua ake e anga Moote ma aia boki burabeti.

I-Rom 13:10

Ane tangira raona n aomata ao e aki kona ni karaoa ae buakaka nakoina. Ma ngaia ae b'ainan te tangira boni kakoroan nanon te Tua ni kabane.

I-Karatia 5:14

B'a e kabaneaki te Tua n touaki mwina n ae kaangai, “Ko na tangira raom n ai aron tangiram i bon iroum.”

I-Karatia 6:2

Kam na i buobuoki n uotami nako, ao kam na toua mwin ana tua Kristo iai.

I-Biribi 4:14

E boni ngae n anne, ma kam a tia ni karaoa ae e raoiroi, ngke kam buokanib'ai ma ngai n rawaawatau.

1.I-Tetaronike 4:9

Akea kainanoan te koroboki nako imi i bukin aromi n tangiriia raomi ni Kristian: b'a kam a bon tia n reireiaki iroun te Atua b'a kam na i tangitangiri;

Iakobo 1:25

Ma ane taratara te tua are moanibaan te raoiroi, are tuan te inaomata, n teimatoa iai, ngkai tiaki te aomata ngaia are e ongo ao i mwina e m'aninga, ma te aomata are karaoa nanon te baere e ongo, ao e na kakab'aiaki n are e na karaoia.

Iakobo 2:12

Kam na taetae ao kam na karaoi aromi n ai aroia aomata aika nangi motikaki taekaia n tuan te inaomata.

Iakobo 2:19

Ko taku b'a ti temanna te Atua; e eti am taeka anne. A boni kakoaua naba te taeka anne taian taimonio, ao a ruru ni maku.

Iakobo 4:11

Taari, kam na tai kabuakaka. Ane kabuakaka tarina, ke ane motika taekan tarina, ao e kabuakaka te Tua, ke e motika taekan te Tua; ngkana ko motika taekan te Tua, ao tiaki te tia toua mwin te Tua ngkoe, ma bon te tia motiki-taeka iai ngkoe.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.