Iakobo 1:12 - Te B'aib'ara

¹² E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Iakobo 1:12 ပူးပေါင်းရင်းမြစ်များ

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

Neemia 1:5

Te UEA ae Atuan karawa, Ko kakannato ao Ko maakaki. Ao Ko bon kaakakoroa bukin am berita nakoia aomata ni kabane akana a tangiriko ma n ongotaeka n am babaaire.

Iobi 2:10

Ao e kaeka Iobi, “Ko taetae ni baba. Ngkana E anganiira baika raraoi te Atua, ao ti kariaia, ao e aera ngkai ti na ngurengure ngkana E anganiira taiani kangaanga?” Bon akea te b'ai ae taekinna Iobi ni kaaitaraa te Atua i bukin kamarakakina aikai ni kabane.

Iobi 5:17

E na kukurei te aomata ae kaetaki arona i roun te Atua! Tai kauna nanom ngkana E boaiko.

Taian Areru 11:5

E neneri aroia aomata aika raoiroi ma aika buakaka; ao E ribaia taani kakiriwe ma nanona ni koaua.

Taian Areru 119:67

I m'ain are Ko karawawataai, ao I aki toki ni bure; Ma ngkai I ongeaba nakon am Tua.

Taian Areru 119:71

E manena nako iu karawawataau, b'a I reireiaki iai n am Tua.

Taian Areru 119:75

Te UEA, a eti am Moti; ao Ko aki kairua ngke Ko karawawataai.

Taian Areru 5:11

Akana a biri nakoim i bukin katanaia; ke a anene ni kim'areirei n taai nako. Kataniia akana a tangiriko raoi ni koaua; ao kakim'areireia.

Taian Areru 94:12

Te UEA, ai kab'aia ra te aomata ane Ko reireinna, Ane Ko reireinna taekan am Tua!

Te Otinako 20:6

Ma I kaota Au tangira nakon tengaa te roro aika a tangirai ma n ongotaeka nakon au tua.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Itaia 64:4

Bon ti ngkoe te Atua ae e tuai man nooraki ke n ongongo taekana ae e karaoi taiani kakai i bukiia taani ri mwiina.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Mataio 10:22

ao ane kam na ribaaki irouia aomata ni kabaneia i bukin arau. Ma ane nanom'aka ni karokoa matena, ao e na kamaiuaki.

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Ruka 6:22

Kam a kab'aia ngkana a ribaingkami aomata, ao ngkana a katinanikuingkami ma n taetaebuakaingkami, ao ngkana a atong arami b'a aara aika kam'araa, i bukin onimakinan Natin te Aomata i roumi!

I-Rom 5:4

ao taotaonan te nano boni ngaia ae kaotira b'a ti tokanikai i aon te kataaki, ao te kataaki e karika te kaantaninga;

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

1.I-Korinto 2:9

Ma e a tia taekana n ai aron are koreaki ni kangai: “Baike e tuai n nori te mata, ao e tuai n ongo te taninga, ao e tuai n reke n ana iango te aomata, boni ngaai baike E katauraoi te Atua i bukiia ake a tangiria!”

1.I-Korinto 8:3

ma ngkana e tangira te Atua te aomata, ao e bon ataaki i Rouna.

1.I-Korinto 9:25

Aomata ni kabaneia aika na ira te kabo n te takakaro a rangi n tabutabui aroia nakoni b'aai nako. A karaoa aei b'a e aonga n reke i rouia te bau ae kai mka, ma ngaira te bau ae aki kona ni mka.

Te Tua-Kaua 13:3

Kam na aki ongo iroun te burabeti ngkana e taekini taeka aikai. B'a E na taratara te UEA ae Atuami n nooringkami b'a kam tangiria ma nanomi ao tamneimi ni kabane ke kam aki.

Te Tua-Kaua 7:9

Kam bon ataia b'a bon ti te Atua ni koaua te UEA ae Atuami. Ma ngaia are, kam na tangiria, ao ongotaeka nakon ana Tua, ao ane na kakaonimaki ni karaoa nanon ana Boraraoi ma ngkami ma kanoami i nanon tengaa te roro

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

2.Timoteo 2:15

Ko na kakorakorako ni kani kaotiko nakon te Atua b'a te tia m'akuri ni koaua ae ko kakoauaki i mwini kataakim, ae te aomata ae ko aki mamaamaa, ae e eti raoi am reirei i aon taekan te koaua.

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

Ebera 10:32

Ma kam na ururing boong ake rimoa, ngke e moa n reke te oota i roumi, ao kam kekeiaki m'aka n taon nanomi nakon taiani maraki ake kam taonaki iai.

Ebera 11:17

I bukin ana onimaki Aberaam, ao e anga Itaaka b'a te karea ngke e kataaki. Teuare a atongaki taeka n akoi nako ina, e tauraoi n anga natina ae te rikitemanna b'a te karea;

Ebera 12:5

Kam a tia ni m'aninga te taeka ni kaunga nano nako imi ngkai naati ngkami, are e kangai: “Natiu, ko na m'annanoa reireiam iroun te Uea i bukini kaetan arom; Ao e na tai toki nanom ngkana ko boaaki i Rouna.

Ebera 6:15

Ao i bukin aron Aberaam n taotaona nanona, ao e a reke i rouna mwin te taeka n akoi arei.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

Iakobo 5:11

Noria, ti taku b'a a kab'aia ake a nanom'aka. Kam a tia n ongo nanom'aakan Iobi, ao kam ata aron te Uea n tabeakinna n tokina. B'a moan te nanoanga te Uea, ao E akoi.

1.Betero 3:14

Ma ngkana kam boni maraki i bukini karaoan nanon te Atua, ao kam a kab'aia. Kam na tai makuia, ao a na tai kakiriweaki nanomi.

1.Betero 4:13

ma ngkai kam buokanib'ai ni marakini Kristo, ao kam na kim'areirei; b'a aonga ni kabatiaki ami kim'areirei ngkana e kaotaki arona ni mimitong.

1.Betero 4:14

Ngkana kam tataebuakaki i bukin arani Kristo, ao kam a kab'aia; b'a E mena iroumi te Tamnei ae kamimii arona, ae Tamnein te Atua.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.

1.Ioane 4:19

Ti b'aina te tangira, i bukina b'a E tangirira moa.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.