Etita 9:5 - Te B'aib'ara

⁵ Ma ngaia are, a konaa taian I-Iutaia ni karaoa te b'ai are a tangiria ni karaoia nakoia aia kairiribai. A buakaniia n te kabaang ao a tiringiia ni kabane.

Etita 9:5 ပူးပေါင်းရင်းမြစ်များ

Neemia 9:24

Ao i mwiina, a taua te aba aia bakatibu. Ko buokiia ni kataenikaiia taiani uea ao botannaomata ma ni karaoa are a bon taku nakoia aia kairiribai.

Etita 3:13

A anaa te reta arei taan uarongorongo, ao a biri nako n nikiri n aban nako te tautaeka arei. Kanoan te reta arei bon taekaia taian I-Iutaia ni kabane; aika a uarereke ma kaara, aine ma ataei b'a a na bane n tiringaki n te bong ae ti te bongina ae te katebwi ma tenua ni bongin te nam'akaina are Ata. A na bane n tiringaki n aki manga nanoangaaki teutana, ao a na anaaki aia b'ai ni kabane.

Etita 8:11

Ao a kab'arab'araaki n taian reta aikai b'a te uea e kariaia I-Iutaia b'a a na bootia ma ni buaka i bon i bukiia ni kaawa nako. Ngkana iai aomata man aaba nako man taiani burawinti aika a buakaniia m'anen Iutaia, ke ataeina, ke te naan aine, ao a konaa I-Iutaia ni kaaitaraia; a konaa n tiringiia ni kabaneia ma n anai aia b'ai ni kabane.

Etita 9:6

A tiringiia nimabubua aomata i Tutian are atuun kaawan te tautaeka.

Taian Areru 92:12

A na maiu raoi akana raoiroi kanga ai aroia kaai aika ai aron te ni; A na rikirake kanga ai aroni kain aon Reb'anon.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

2.I-Tetaronike 1:6

B'a te b'ai ae riai iroun te Atua b'a E na karawawataia te koraki ake a karawawataingkami;