Etita 9:27 - Te B'aib'ara

²⁷ ao a karaoia Iutaia b'a te tua bon nakoia, ma aia kariki, ao aomata nako ake a tangiria n riki b'a I-Iutaia, b'a a na kauringaki raoi n taiia ni katoa ririki boong aika uoua aikai, ma ni karaoaki raoi ni kaineti ma ana kaetieti Morotekai.

Etita 9:27 ပူးပေါင်းရင်းမြစ်များ

Etita 8:17

A bane ni karaoa aia bong ni motirawa ae e kakukurei I-Iutaia ni kaawa nako ao n burawinti nako ike e warekaki iai ana moti te uea, ao I-Iutaia a karaoa aia baka n am'arake ni kukurei. Ni koauana, a m'aiti aomata aika a maaku irouia ngkai ao a manga riki b'a I-Iutaia.

Etita 9:20

E korea taekan te bong aei Morotekai, ao e kanakoa te reta nakoia I-Iutaia ni kabane, aika a kaan ma aika a raroa, ni kabutaa te abanuea are Botia,

Etita 9:21

ma n tuangiia b'a a na kakaraoa aia kauring n katebwi ma auan ao katebwi ma nimauan te nam'akaina ae Ata, ma ni karikia b'a te bong ni motirawa ni katoa ririki.

Etita 9:28

E baaireaki b'a a riai n uringa te bong aei utu nako irouia I-Iutaia i nanon roro aika a na roko n taian burawinti nako, ao ni kaawa nako, ao ni ururinga ma ni kaawakina bongin te Burim ni boong aika a na roko.

Taian Areru 78:7

Ao aei aroia are a na kona iai natiia ni manga onimakina te Atua, Ao n aki m'anuokini baike E a tia ni karaoi, Ma a na ongeaba n taai nako nakon ana tua.

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 56:3

A na aki kaangai ianena akana taromauriai, “E na aki kariaia te UEA b'a ti na riki b'a ana Aomata.” A na aki manga kaangai m'aane akana a aki konaa n riki b'a taian tama, “Taian aroka aika a m'auteretere ngaira.”

Itaia 56:6

Ane a na irai ianena. A na tangirai ao a na taromauri n arau; a na karinea te Taabati ao a na kaawakina ara booraraoi.

Etekiera 16:61

Ko na bon mamaa ngkana ko uringa m'akuriana iroum, ao ai moara ra riki ngke I kaokiia tarim nakoim, e ngae ngke ti aki aei kanoan te boraraoi.

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Tekaria 8:23

Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

Warekaia Iteraera 15:15

E na bon aki manga oneaki te tua aei. Bon te UEA Ngai ae ti te arona aomata ni kabane i Rou.

Te Tua-Kaua 5:3

Bon tiaki ti te boraraoi ma ara bakatibu ma bon i bukira naba, ngaira aikai n te bong aei.

Iotua 9:15

Ao e karaoa te boraraoi n raoi Iotua ma aomatan Kibeon ao e kamaiuia. Ao a karaoa aia berita ae matoa aia taan kairiri aomatan Iteraera b'a kaanga kamatoaan te boraraoi n raoi arei.

Tani Motiki-taeka 11:40

a aki toki n nanakonako iai ainen Iteraera i nanon 4 te bong ma n tangitang ni katoa ririki.

1.Tamuera 30:25

E karaoa te tua aei Tawita i bukin Iteraera, ao e kaawakinaki ni karokoa te bong aei.