Etita 9:25 - Te B'aib'ara

²⁵ Ma e nako Nei Etita ni kawara te uea, ao te uea e katanoataa ana taeka are e na karawaawataaki iai Aaman i bukin ana babaaire nakoia I-Iutaia, ao e tiringaki ma natina m'aane ni kabaeaki roroaia i aon te kainikabaeroroa.

Etita 9:25 ပူးပေါင်းရင်းမြစ်များ

1.Uea 8:32

Ko na ongora mai karawa ao karaoa am babaaire i aoia b'a antai ae e bure. Ao Ko na katuaaea te tia bure ao ni kainaomata teuare akea ana bure.

Etita 3:6

ao ngke e manga ataia ae te I-Iutaia Moretekai, ao e a kani karaoa riki te b'ai ae e ab'ab'aki nakoina. Ao e a karaoa ana m'akuri ni iangoa tiringaia taian I-Iutaia ni kabane ake n te tautaeka ni Botia.

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Etita 7:4

I a tia ni kabooaki nako ma au aomata b'a ti na tiringaki. Ngke tao arona b'a ti kabooaki nako b'a ti na toronaki, ao N na bon aki karongoaa, ao N na bon aki katabetabeko iai. Ma ngkai i aoni kawaira n tiringaki.

Etita 7:5

Ao e kaekaa te ueanaine te uea are Keatiti ni kaangai, Antai ane e konaa ni karaoa te m'akuri anne? E ngaa te aomata anne?

Taian Areru 140:8

Ko na aki katotokanikaia te aomata ae e buakaka ni b'aai nako aika e tangiri, b'a e kaawa n aki tootoki aia m'akuri aika a buakaka.

Taian Areru 140:9

A tia ni katobibiai, ma karikiia b'a konan aia kewe aika a tiritiri.

Taian Areru 141:10

Ke a m'ane n oin aia b'ai ni kam'am'ane, ma N na aki m'ane iai ngkana I rikekei.

Taian Areru 7:16

B'a e na boni b'akaraki ni mwin oin ana m'akuri ae e buakaka, ao e na ikoaki ni mwin oin ana iowawa.

Taian Areru 7:17

N na katituaraoiko te UEA! I bukin arom ae e raoiroi; ao N na anenea taekam are moan te rietaata Ngkoe.

Taian Areru 94:23

E na kareke kaiia i bukin aia m'akuri aika bubuaka, Ao E na kamaunaia i bukin aia bure; A na kamaunaki iroun te UEA ae Atuara.

Taeka n Rabakau 26:27

Ko na manga boni b'aka i nanon te m'anono are ko kenna; Ngkana ko moan karabinoa te atiibu, ao e na manga rabino n okiriko.

Taeka n Rabakau 5:22

A m'ane taani bure ni bon oin aia m'akuri ake a tia ni karaoi.

Itaia 22:25

E a rangi ni nim ni matoa te b'ai ni katinetine anne, ma ane e na ioioaki ni kamatanaaki ma ni kab'akaaki n te bong teuana. Ao a na bane n uruaki b'aai ni kabane akana a tinetine iai. Bon anne ana berita te UEA ae Moan te M'aaka.

Ob'aria 1:15

“N nang karokoi aia bong botannaomata b'a N nang katuaaia. Ngkoe ae Etom, e na manga bon okiriko te b'ai are ko a tia ni karaoia. E na bon reireiniko am m'akuri.

Mataio 21:44

Ao ane b'akara te atibu aei, ao e na m'aototo iai; ma ngkana e b'akara temanna, ao ane na kamanatua ni kamantintia.

1.Tamuera 25:39

Ao ngke e ongo Tawita taekan Nab'ara b'a e a tia ni mate, ao e taku, “E na neboaki te UEA! E a tia n irantangaai mairoun Nab'ara i bukina ngke e kamamaaeai ao E kaawakinai b'a N na aki karaoa ae e buakaka. E a tia te UEA ni katuaaea Nab'ara i bukin ana m'akuri ae e buakaka.” Ao i mwiin arei, e karaoa ana kabutiman Tawita b'a e kan mare ma Nei Abikaira.