Etita 9:20 - Te B'aib'ara

²⁰ E korea taekan te bong aei Morotekai, ao e kanakoa te reta nakoia I-Iutaia ni kabane, aika a kaan ma aika a raroa, ni kabutaa te abanuea are Botia,

Etita 9:20 ပူးပေါင်းရင်းမြစ်များ

1.Rongorongo 16:12

Uring ana kakai ao ana kamimii ao ana babaaire aika a nako raoi.

Etita 1:1

Aio te bae e riki n ana tai Keatiti, te Keatiti are e tautaeka i aon 127 te aono i aon Inria n toki i Kuuti:

Etita 1:22

Ao e bane ni kanakoi ana rongorongo te uea nako aban ana tautaeka ni kabane, n taian taetae ma koroboki ake a b'ainaki n te aba teuana ma te aba teuana, b'a a na bane m'aane n tautaekana oin aia auti, ao boni ngaiia naba aika a na angaanga te babaaire.

Etita 3:12

Ma ngaia are, ni katebwi ma tenuan te nam'akaina are te moan nam'akaina, ao Aaman e weteia ana taani koroboki te uea, ao e a tuangiia b'a a na raira ana katanoata nakon taian taetae ma koroboki ake a kabonganaaki n te tautaeka arei, ao ni kanakoi nakoia taan tautaeka ni kabane ma kowana, ao aobitia. Ao e koreaki n aran te uea are Keatiti ma ni kanikinaeaki n ana m'am'a.

Etita 8:9

E riki aei ni kauabwi ma tenuan bongin te katenua n nam'akaina, ae te nam'akaina are Tiwan. Ao Morotekai e weteia ana taani koroboki te uea, b'a a na korea are e taekinna nakoia n te reta nakoia I-Iutaia ma taiani kowana, ao taani kairiiri, ma mataniwi n taian burawinti ake tebubua uabwi ma itiua, mai Inria ni karokoa Itiobia. A koreaki taian reta nakon taian burawinti n tatabeua ni bon oin aia taetae ma aia koroboki, ao nakoia naba I-Iutaia n oin aia taetae ma aia koroboki.

Etita 9:19

Ao bon aei naba bukina ngkai a kakauringa katebwi ma auan bongin te nam'akaina are Ata I-Iutaia n taian kaawa aika a uarereke, ma ni karikia b'a aia bong ni motirawa ae e kakukurei, ao aia tai ni baka n am'arake ma n anga b'aintangira te am'arake i marenaia.

Etita 9:21

ma n tuangiia b'a a na kakaraoa aia kauring n katebwi ma auan ao katebwi ma nimauan te nam'akaina ae Ata, ma ni karikia b'a te bong ni motirawa ni katoa ririki.

Etita 9:26

Bon aei bukin reken te bong ni motirawa are e aranaki b'a Burim. I bukin ana reta Morotekai ao i bukin b'aai naba ake a tia n riki nakoia,

Etita 9:27

ao a karaoia Iutaia b'a te tua bon nakoia, ma aia kariki, ao aomata nako ake a tangiria n riki b'a I-Iutaia, b'a a na kauringaki raoi n taiia ni katoa ririki boong aika uoua aikai, ma ni karaoaki raoi ni kaineti ma ana kaetieti Morotekai.

Etita 9:29

E a manga korea naba ana reta te ueanaine are Nei Etita are natin Abiaira te aine n reitaki ma Morotekai, ao e karina m'aakana ni kabane i nanon n te reta i bukin te Burim, are e a tia ni kaman koreaki iroun Morotekai.

Te Otinako 17:14

Ao i mwiin arei, E taku te UEA nakon Moote, “Koroi taekan te tokanikai aei ao warekia nakon Iotua. I tangiriia kaain Amareka b'a a na mauna nako taekaia n aki toki.”

Ieremia 29:1

Ao I korea te reta nako ia ibonga, burabeti, taani kairiiri irouia aomata, ao nako ia ni kabane ake a uotaki nako b'a taenikai i roun Nebukaneta mai Ierutarem nako B'aburon.