Etita 9:16 - Te B'aib'ara

¹⁶ A baaireia aroia naba I-Iutaia ake n te burawinti, ao a tatauraoi nakon eekakinakoaia. A tiringiia itibwi ma nimaua te ngaa aia kairiribai i bukin kamauraia mairouia. A kamauriia i bon irouia mai irouia aia kairiribai. Ma ngaia are, a tiringiia itibwi ma nimaua te ngaa m'aitiia. Ma bon akea naba te kurib'ai ae e karaoaki.

Etita 9:16 ပူးပေါင်းရင်းမြစ်များ

Karikani B'aai 34:27

Ao i mwiin te tiritiri arei, ao a manga m'ananga natin Iakob'a mm'aane ake tabeman n anai b'ain te kaawa arei b'a irantangaan m'aneia are e tauaki.

Etita 8:11

Ao a kab'arab'araaki n taian reta aikai b'a te uea e kariaia I-Iutaia b'a a na bootia ma ni buaka i bon i bukiia ni kaawa nako. Ngkana iai aomata man aaba nako man taiani burawinti aika a buakaniia m'anen Iutaia, ke ataeina, ke te naan aine, ao a konaa I-Iutaia ni kaaitaraia; a konaa n tiringiia ni kabaneia ma n anai aia b'ai ni kabane.

Etita 9:2

A bootaki I-Iutaia n aia tabo nako ni katoa kaawa tatabeua nako n te abanuea b'a a na buakaniia akana a kataia ni buakaniia. A bane ni maaku aomata n tatabemaniia irouia, ao akea ae e konaa n tei n eekiia nako.

Taian Areru 149:7

B'a a na katae aia kai botannaomata ma ni kareke kaiia natanaomata;

Taian Areru 37:15

Ma ane a na boni mate n oin aia kabaang; Ao ane a na m'aototo aia kainikatebe.