Etita 9:1 - Te B'aib'ara

¹ E a roko katebwi ma tenuan bongin Ata, are te bong are e katanoataaki iai ana moti te uea b'a e na karaoaki, te bong are a kaantaningaia iai aia kairiribai I-Iutaia b'a a nang reke iai I-Iutaia i aan m'aakaia. Ma ngaia tiaki, b'a a manga tokanikai I-Iutaia i aoia.

Etita 9:1 ပူးပေါင်းရင်းမြစ်များ

2.Tamuera 22:41

Ko kabiri nakoia au kairiribai, ao I tiringiia.

Etita 3:13

A anaa te reta arei taan uarongorongo, ao a biri nako n nikiri n aban nako te tautaeka arei. Kanoan te reta arei bon taekaia taian I-Iutaia ni kabane; aika a uarereke ma kaara, aine ma ataei b'a a na bane n tiringaki n te bong ae ti te bongina ae te katebwi ma tenua ni bongin te nam'akaina are Ata. A na bane n tiringaki n aki manga nanoangaaki teutana, ao a na anaaki aia b'ai ni kabane.

Etita 3:7

Ao n ana katebwi ma uoua n ririki ni uea Keatiti, n te moan nam'akaina, are te nam'akaina are Nitian, ao e a tuatua Aaman b'a e na kaiwanaki ana tai ae e na nakoraoi iai ana m'akuri ni kam'ane. Ao akea b'a e wiia te nam'akaina are te katebwi ma uoua, are Ata.

Etita 8:12

E na karaoaki te moti aei ni kabutaa te abanuea are Botia, ni moa man te bong are e katanoataaki iai tiringaia I-Iutaia, are katebwi ma tenuan bongin Ata, te katebwi ma uoua n nam'akaina.

Etita 8:6

N na kangaa ni waaki nako ngkana e roko te kabuanib'ai aei i aoia au aomata, ao a tiringaki oin au utu?

Etita 9:17

Ai tebwi ma tenua bongin te bong are Ata ngkai. Ao n te bong are i mwiina ae te katebwi ma aua, ao ai akea te manga te tiritiri irouia, ma a karaoia b'a aia bong ni baka ni kukurei.

Taian Areru 18:40

Ko kabirinakoia aiau mairou; I kamateia taan ribaai.

Taian Areru 30:11

Ko a tia n onea nanokawakiu nakon te kukurei ae bati; ko uota nako rawaawatau, ao Ko kaonai n te kim'areirei.

M'akuri 12:11

Ngke e a oki ana iango Betero, ao e taku, “I a ataia ngkai b'a E kanakomaia ana anera te UEA, ao E kamaiuai mai nanoni bain Erote, ao mani b'aai ni kabane ake a kaantaningai I-Iutaia b'a a na karaoi.”

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.

Te Kaotioti 11:18

A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”