Etita 8:6 - Te B'aib'ara

⁶ N na kangaa ni waaki nako ngkana e roko te kabuanib'ai aei i aoia au aomata, ao a tiringaki oin au utu?

Etita 8:6 ပူးပေါင်းရင်းမြစ်များ

Karikani B'aai 44:34

N na kanga n okira tamau ngkana e aki irai te ataei ni mm'aane? I a bon aki kona moan te kangaanga are e nang roko nakon tamau.”

Neemia 2:3

ao I bon kaeka naba, “Teuae ko karineaki, Bon au kaantaninga b'a ko na maiu n aki toki! I nanokawaki i bukin au kaawa are e buubura ike a taunaki iai au bakatibu b'a e a urubekebeke, ao a tia ni kabuokaki mataroana ni kab'akaaki.”

Etita 7:4

I a tia ni kabooaki nako ma au aomata b'a ti na tiringaki. Ngke tao arona b'a ti kabooaki nako b'a ti na toronaki, ao N na bon aki karongoaa, ao N na bon aki katabetabeko iai. Ma ngkai i aoni kawaira n tiringaki.

Etita 9:1

E a roko katebwi ma tenuan bongin Ata, are te bong are e katanoataaki iai ana moti te uea b'a e na karaoaki, te bong are a kaantaningaia iai aia kairiribai I-Iutaia b'a a nang reke iai I-Iutaia i aan m'aakaia. Ma ngaia tiaki, b'a a manga tokanikai I-Iutaia i aoia.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

I-Rom 10:1

Taari, aio ae tangiraki i nanou ao au tataro nakon te Atua i bukiia Iteraera, b'a a na kamaiuaki.