Etita 8:5 - Te B'aib'ara

⁵ Te uea ae ko karineaki, ngkana ko tabeakinai ao ngkana ko kukurei irou, ao I butiiko b'a ko na karaoa te katanoata ni katoka ana taeka Aaman b'a a na aki karaoaki nanoia, ake taeka ake e anga natin Ammetata are ana kariki Akaaka b'a a na tiringaki I-Iutaia ni kabane i nanon abanueam.

Etita 8:5 ပူးပေါင်းရင်းမြစ်များ

Etita 2:17

Ao e tangiria riki te uea nakoia aine ake tabeman, ao e b'aka iroun Nei Etita, ao e anaaki nanona i rouna nakoia aine ake tabeman. Ma ngaia are, e a katokaa te baunuea i aon atuna, ma ni karikia b'a te ueanaine n onea mwiin Nei Watiti.

Etita 2:4

Ao i mwiina, ko anaa te ataeinaine ae ko tangiria riki mai buakoia, ao karikia b'a te unaine n onea mwiin Nei Watiti.

Etita 3:1

Ao n te tai ae e aki maan, ao te uea e karikirakea Aaman nakon te nakoa ni buraim minitita. Teuae Aaman bon natin Ammetata, are kanoan Akaaka, are uean Amareka are aia kairiribai ngkoa tibun Iteraera.

Etita 5:8

Ngkana tao arona b'a e na kariaia te uea au bubuti, ao N na manga butiko riki ma Aaman b'a kam na manga riki naba b'a au iruwa nakon te baka n am'arake ningabong ae N na katauraoia i bukimi. Ao I a tuangko te b'ai ae I tangiria nakon te ingabong.

Etita 7:3

Ao e kaeka te ueanaine are Nei Etita ni kaangai, Ngkana ko kukurei iai te uea ae ko karineaki, ao te b'ai ae I tangiria, I tangiria b'a N na kamaiuaki ma au aomata.

Te Otinako 33:13

Ngkana arona b'a e koaua aei, ao Ko na kaotia nako iu b'a tera am babaaire, ao N na ongotaeka ma n reitanako arou ni kakukureiko. Ao Ko na aki m'aninga ae Ko a tia n rinea te botannaomata aei b'a am b'ai.”

Te Otinako 33:16

Ma ngkana Ko iriira, ao a na bane n ataia aomata b'a Ko kukurei i rouia am aomata ao Ngai, ao n aron are ti na kaokoro iai ma aomatan nako te aonnaba.”

1.Tamuera 20:29

E taku, “Taiaoka b'a ko na kanakoai, b'a a karaoa aia baka n angakarea n te kaawa, ao e tuangai tariu b'a N na nako ikekei. ‘Ma ngaia ae, ngkana raoraou ngkoe, ko na kariaia nakou n nooriia au koraki. Anne bukina ngkai e aki roko ngkai.’ ”