Etita 8:17 - Te B'aib'ara

¹⁷ A bane ni karaoa aia bong ni motirawa ae e kakukurei I-Iutaia ni kaawa nako ao n burawinti nako ike e warekaki iai ana moti te uea, ao I-Iutaia a karaoa aia baka n am'arake ni kukurei. Ni koauana, a m'aiti aomata aika a maaku irouia ngkai ao a manga riki b'a I-Iutaia.

Etita 8:17 ပူးပေါင်းရင်းမြစ်များ

Karikani B'aai 35:5

Ao ngke a tabe ni manga m'ananga nako Iakob'a ma natina mm'aane, ao a bane n rootaki n te maaku aomatan kaawa ake a uakaan ma ngaiia, ao akea te b'ai ae kataia ni karaoia nakoia.

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Etita 9:17

Ai tebwi ma tenua bongin te bong are Ata ngkai. Ao n te bong are i mwiina ae te katebwi ma aua, ao ai akea te manga te tiritiri irouia, ma a karaoia b'a aia bong ni baka ni kukurei.

Etita 9:19

Ao bon aei naba bukina ngkai a kakauringa katebwi ma auan bongin te nam'akaina are Ata I-Iutaia n taian kaawa aika a uarereke, ma ni karikia b'a aia bong ni motirawa ae e kakukurei, ao aia tai ni baka n am'arake ma n anga b'aintangira te am'arake i marenaia.

Etita 9:2

A bootaki I-Iutaia n aia tabo nako ni katoa kaawa tatabeua nako n te abanuea b'a a na buakaniia akana a kataia ni buakaniia. A bane ni maaku aomata n tatabemaniia irouia, ao akea ae e konaa n tei n eekiia nako.

Etita 9:22

Bon aika boong are a tia iai I-Iutaia ni kamaiuia i bon irouia mairouia aia kairiribai; bon aei te nam'akaina are e a tia n bitaki man te tai n nanokawaki, ma ni korakai nakon te tai n kukurei ma ni kim'areirei. A tuangaki b'a a na kakauringi boong aikai ni karaoa iai aia baka n am'arake, ma n anga aia b'aintangira taian am'arake i bon i marenaia n tatabemaniia nako ao nakoia aika a kainano.

Etita 9:27

ao a karaoia Iutaia b'a te tua bon nakoia, ma aia kariki, ao aomata nako ake a tangiria n riki b'a I-Iutaia, b'a a na kauringaki raoi n taiia ni katoa ririki boong aika uoua aikai, ma ni karaoaki raoi ni kaineti ma ana kaetieti Morotekai.

Etita 9:3

Ao ni bon oina, a buokaki irouia mataniwiin taian burawinti, ma taiani kowana, taan babaaire, taan tei i bukin te uea, b'a a bane ni maaka Morotekai.

Taian Areru 105:38

A kukurei I-Aikubita irouia ngke a nako, B'a a makuia.

Taian Areru 18:43

Ko kamaiuai mairouia aomata akana rawa n ongeaba nakoia taan tautaeka, Ao Ko katautaekaai i aoia botannaomata; ao a riki b'a au toro

Te Otinako 15:16

A taonaki n te maaku ae moan te korakora. A noora korakoran te UEA, ao a tei n akea angin nanoia i bukin te maaku ni karokoa banen raoi am aomata ni m'ananga i rarikiia ake am aomata ngkoa ake Ko kainaomataia man te toronaki.

Te Tua-Kaua 11:25

Bon akea ae na kona ni kaaitaraingkami. E na karaoia aomata ni kabane te UEA b'a a na maakuingkami, n aron are E a tia ni berita iai.

Te Tua-Kaua 2:25

N na karikiia kaain botannaomata ake tabeua b'a a na maakuingkami. Ane a ruru ni maaku ngkana iai ae taekiningkami, ao ane a na rangi ni maaku ngkana kam kaoti.’ ”

Iotua 2:11

Ao ti rootaki n te maaku n te tai are ti ongo iai baikai; ti maakui ngkami. E bon tautaeka te UEA ae Atuami i eta i karawa, ao i nano i aon te aba.

Iotua 2:9

ao e taku nakoia, “I ataia b'a e a tia n anganingkami te UEA te aba aei. A bane ni maakui ngkami kaain te aba aei.

1.Tamuera 25:8

Bon titirakiniia, ao ane a na kaongoraeko. Ti a taonaki ni bongin te bootaki ni kukurei, ao e butiiko Tawita b'a ko na butim'aira n akoira. Ti butiiko b'a ko na anganiira ane e konaa n reke iroum ngaira aika am toro ao nakon raoraom ae Tawita.”