Etita 8:15 - Te B'aib'ara

¹⁵ Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Etita 8:15 ပူးပေါင်းရင်းမြစ်များ

Karikani B'aai 41:42

Ao e buuta ana m'am'a te uea mai baina, te m'am'a are e mena i aona ana kanikina te uea, ao e karinna i aon bain Ioteb'a. Ao e karina naba te kunnikai ae tamaroa i aon Ioteb'a, ao e karina te m'ae te tiein ae te koora i aon roroana.

Etita 1:6

E katamaroaaki ana bareti te uea n taiani keeten aika a buruu ma ni mainaina, ao a kabaeaki ni karain rinen aika a taim'anuokai aika a raraoi, aika a bae nakon taian m'am'a aika tirewa aika a mena i aon taiani maabora aika a tei ni rinan. Ao a kaotinakoaki taiani kainiwene aika koora ma tirewa nako nanoni m'aneaban te bareti, are e katamaroaaki nanona n taian maabora aika a kiriin ao a mainaina, ma atiibu aika a tamaroa, ma taiani b'aeao aika a raneanea. Ao a rabunaki kaintekateka aika a ab'ab'aki ni kunnikai aika a maraurau aika a bati mataia, ao a mena taian rooti i mataniwiia.

Etita 10:2

A bane n tauaki mwiin b'aai ni kabane aika a kakannato ma ni kamimii ake e a tia ni karaoi, i nanon ana boki uean Botia ma Miria, n reitaki ma rongorongon karikirakean Morotekai nakon nakoana ae e rietaata.

Etita 3:15

Ao e kanakoa ana taeka te uea i bukin reeta akekei b'a a na katanoataaki nakoia te botannaomata ake i Tutian, are atuun kaawan te tautaeka, ao a birinako taan uarongorongo ni karokoa te rongorongo arei n aban te tautaeka ake tabeua. Ao a karauia n tekateka te uea ma Aaman ni mooi ngke a kiriwe nanoia aomata n te b'ai arei.

Etita 5:1

Ao n ana katenua ni bong n aki mamatam Nei Etita, ao e a karina niiniirana ao e nako n tei i nanon m'aneaban te bareti, ni kaaitaraa te ru are e mena iai te kaintokanuea. Ao e boni mena ikekei te uea i aon ana kaintokanuea ni kaaitaraa te mataroa.

Etita 5:11

Ao e kamoaa nakoia n aron kaub'aina ma m'aitiia natina m'aane, ma aron te uea ngke e karikirakea nakoana, ma arona n rietaata riki nakoia raona n aobitia.

Etita 6:11

Ma ngaia are, e anai niiniiraia b'aakuaku Aaman ma te aoti, ao e angan Moretekai. Ao e toka Moretekai i aon te aoti ao e kunnikainna n niiniiran te b'aakuaku, ao e kairaki iroun Aaman i nuukan te kaawa, ma ni kakatanoata n kaangai nakoia aomata ngke a tabe ni m'ananga, “Ani bon taraa aron te uea ni karinea te aomata ae e kukurei i rouna.”

Etita 6:8

Angan te aomata anne taian niiniira n uea, niiniira ake ko kukunnikainiko iai. Ao anganna naba am aoti b'a e na toka i aona, ao am baunuea are e tikiraoi.

Etita 8:14

Ao e tuangiia taan uarongorongo te uea b'a a na tokari ana aoti te uea ma ni kabane biriia. E katanoataaki naba te moti arei i Tutian, are atuun kaawan te tautaeka.

Taeka n Rabakau 11:10

Ngkana e kakab'aiaki te aomata ae e raoiroi, ao e mauna nako te aomata ae e buakaka, ao e karaoa ana baka ni kukurei te kaawa ae e b'anin.

Taeka n Rabakau 28:12

E na karaoaki te bootaki ni kukurei ngkana e tokanikai te aomata ae e raoiroi; ma e raoiroi riki ngkana ti karabaira ngkana e tautaeka te aomata ae e aonikai.

Taeka n Rabakau 29:2

Ngkana e tautaekana te botannaomata te eti, ao a na bane ni kukurei aomata; ao ngkana e tautaeka te kairua, ao a na bane ni kungkung aomata.

Mataio 11:8

Ao tera ngkanne bukin are kam nako iai? Kam na nora te aomata ae kunnikaia n te kunnikai ae tikiraoi? Noria, a mena n aia auti uea aomata aika kunnikaiia ni kunnikai aika tikiraoi.

Mataio 6:29

ma I taku nako imi b'a Toromon, e ngae ngke e kaub'ai, ma e aki kunnikaiaki n ai aron te kaina te kiebu i buakon aikai.

Ruka 16:19

Temanna te aomata ngkoa ae kaub'ai, ae e kunnikainna ni kunnikai aika bo buaka aika uraro ao a mainaina, ao e kukukurei n am'arake raoi n te bong ae koraki.