Etita 8:14 - Te B'aib'ara

¹⁴ Ao e tuangiia taan uarongorongo te uea b'a a na tokari ana aoti te uea ma ni kabane biriia. E katanoataaki naba te moti arei i Tutian, are atuun kaawan te tautaeka.

Etita 8:14 ပူးပေါင်းရင်းမြစ်များ

1.Uea 4:28

ai uana naba ma te b'aare ma uteute i bukin kanaia aoti.

2.Rongorongo 30:6

E m'ananga ni kabutai taabo nako ana tia ua rongorongo Etekia i aon Iteraera ao Iuta ma taian reta aika a kaangai kanoaia: Kaain Iteraera, ngkai e reke maiumi man aia buaka uean Aturia, e a roko te tai ae kam a riai n tanrikaaki iai nakon te UEA ae te Atua are e taataromauriaki irouia ara bakatibu ake Aberaam, Itaaka, ao Iakob'a. E na toki unna ngkana kam karaoa aei.

Neemia 1:1

Bon Neemia ngai ae natin Akaria te m'aane, ao I koroi ni kabane taekan b'aai ake I a tia ni karaoi n te boki aei. Inanon te nam'akaina are Kitirewi n ana kauabwi n ririki Atatokititi n tautaekana Botia, I maeka n ana kaawa ae e buubura are e nonoaki are Tuta.

Etita 1:2

Uean Botia are Keatiti e maeka n atuun kaawan ana tautaeka are Tutian, ao e tautaekan burawinti aika 127 mai Inria ni karokoa Itiobia.

Etita 2:3

Ko kona n rineia taian aobitia i nanon abam b'a a na kairiia ataeinaine aika a botonaine nakoni nneia buum ikai, n te kaawa ae Tutian, ae atuun kaawan am tautaeka. Angan Ekai are te iunaki are e kakawakiniia aine, b'a e na kawakinia, ao tuua b'a a na tararuaaki raoi.

Etita 3:13

A anaa te reta arei taan uarongorongo, ao a biri nako n nikiri n aban nako te tautaeka arei. Kanoan te reta arei bon taekaia taian I-Iutaia ni kabane; aika a uarereke ma kaara, aine ma ataei b'a a na bane n tiringaki n te bong ae ti te bongina ae te katebwi ma tenua ni bongin te nam'akaina are Ata. A na bane n tiringaki n aki manga nanoangaaki teutana, ao a na anaaki aia b'ai ni kabane.

Etita 3:14

Ao e tua te uea are Keatiti, b'a a na katekeaki katanoata akekei n aaba nako, b'a a aonga n tauraoi aomata nako i m'aain te bong arei.

Etita 3:15

Ao e kanakoa ana taeka te uea i bukin reeta akekei b'a a na katanoataaki nakoia te botannaomata ake i Tutian, are atuun kaawan te tautaeka, ao a birinako taan uarongorongo ni karokoa te rongorongo arei n aban te tautaeka ake tabeua. Ao a karauia n tekateka te uea ma Aaman ni mooi ngke a kiriwe nanoia aomata n te b'ai arei.

Etita 8:13

E na katanoataaki b'a te tua b'a, a na ataia aomata nako n te burawinti, b'a a aonga n tauraoi I-Iutaia n irantaangaia i bon irouia nakoia aia kairiribai ngkana e roko te bong arei.

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Taniera 8:2

I a mena i nanon oon te kaawa are Tutian n te burawinti are Eram i nanon te kaotioti arei. Ao I tabe n teitei i rarikin te karaanga are Urai,

1.Tamuera 21:8

Ao e taku Tawita nakon Aimereka, “Iai iroum te kainiwai ke te kabaang b'a ko na anganai? E rangi ni kawaekoaai te uea ni kam'anangaai n te aro are e aki reke au tai n anaa au kabaang ke au b'ai ni buaka.”