Etita 8:13 - Te B'aib'ara

¹³ E na katanoataaki b'a te tua b'a, a na ataia aomata nako n te burawinti, b'a a aonga n tauraoi I-Iutaia n irantaangaia i bon irouia nakoia aia kairiribai ngkana e roko te bong arei.

Etita 8:13 ပူးပေါင်းရင်းမြစ်များ

Etita 3:14

Ao e tua te uea are Keatiti, b'a a na katekeaki katanoata akekei n aaba nako, b'a a aonga n tauraoi aomata nako i m'aain te bong arei.

Etita 8:14

Ao e tuangiia taan uarongorongo te uea b'a a na tokari ana aoti te uea ma ni kabane biriia. E katanoataaki naba te moti arei i Tutian, are atuun kaawan te tautaeka.

Taian Areru 68:23

B'a kam aonga n nakonako i buakon te raraa, Ao ami kamea a na newenewea te raraa n ai aron tokin nanoia.

Ruka 18:7

Ao te Atua, tiaki E na iri taangaia ake a rineaki i Rouna, ake a tangitangira buokaia ni ngaina ao ni bong? E na kamanna n aki kaekai tangitangiia?

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”

Tani Motiki-taeka 16:28

Ao e tataro Tamton ni kaangai, Taiaoka te UEA ae te Atua, Ko na uringai. A auta matau kaain Biritia ni kanakoi, ma I butiko b'a ko na manga kakorakoraai riki te kabanea n tai, b'a I a kukurei naba ngkana tao e ti reke irantaangakin kanoan matau ti teuana.