Etita 8:11 - Te B'aib'ara

¹¹ Ao a kab'arab'araaki n taian reta aikai b'a te uea e kariaia I-Iutaia b'a a na bootia ma ni buaka i bon i bukiia ni kaawa nako. Ngkana iai aomata man aaba nako man taiani burawinti aika a buakaniia m'anen Iutaia, ke ataeina, ke te naan aine, ao a konaa I-Iutaia ni kaaitaraia; a konaa n tiringiia ni kabaneia ma n anai aia b'ai ni kabane.

Etita 8:11 ပူးပေါင်းရင်းမြစ်များ

Etita 3:13

A anaa te reta arei taan uarongorongo, ao a biri nako n nikiri n aban nako te tautaeka arei. Kanoan te reta arei bon taekaia taian I-Iutaia ni kabane; aika a uarereke ma kaara, aine ma ataei b'a a na bane n tiringaki n te bong ae ti te bongina ae te katebwi ma tenua ni bongin te nam'akaina are Ata. A na bane n tiringaki n aki manga nanoangaaki teutana, ao a na anaaki aia b'ai ni kabane.

Etita 9:18

Ao I-Iutaia i aon Tutian a karika te bong ae te katebwi ma nimaua, b'a aia bong ni motirawa, i bukina ngke a tia n tiringiia aia kairiribai n te katebwi ma tenua, ao n te katebwi ma aua ni bongin te nam'akaina are Ata, ao a toki n te katebwi ma nimaua ni bong.

Taian Areru 137:8

B'aburon, ko nang uruaki. E a kab'aia ane kaboa nakoim mwin am bure are ko karaoia nakoira:

Taian Areru 68:3

Ma a kukurei ao a kakatonga akana raoiroi i matan te Atua; A kukurei ao a kaonaki n te kim'areirei ae bati.

Itaia 10:6

n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Etekiera 39:10

A na kabuoki taian b'ai ni buaka aikai n onea mwiin te kai ke kaai ake a na korokoroi man aroka ake a na kab'akai. Ao anne aroia Iteraera ni katae aia kai irouia ake a aki toki ni kikimoaia ma ni kabuakakaia. Bon aei Au taeka Ngai ae te UEA.