Etita 7:7 - Te B'aib'ara

⁷ Ao e teirake te uea i bukin marakin nanona, e kiitana te ru arei, ao e otinako nakon nnenarokan te bareti. E kakoauaa raoi Aaman b'a te uea e na bon katuaaea i bukin te b'ai aei. Ma ngaia are, e tiku i rarikin te ueanaine ni buubutiia b'a e na kamaiua.

Etita 7:7 ပူးပေါင်းရင်းမြစ်များ

Etita 1:12

Ma ngke a tuanga te ueanaine taani m'akuri ana taeka te uea, ao e rawa n roko. Ao e rangi n un te uea n te b'ai aei.

Etita 1:5

Ao i mwiin anne, ao e a karaoa ana baka n am'arake te uea ni kaawan ana tautaeka are Tutian, i bukiia aika a kaub'ai ma aika a kainano n akea kakaokoroaia. Bon teuana wiikina, ao e karaoaki i nanon onarokan ana bareti te uea.

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Taian Areru 112:10

A nora aio akana buakaka ao a un iai mani kangkantii bukini m'angaia: ao a bua naba nanoia; E aki koro bukin aia kaantaningaia.

Taeka n Rabakau 14:19

E kawakawa n roko te aomata ae buakaka nakoia aomata aika a ongotaeka iroun te Atua.

Taeka n Rabakau 14:35

A anga te kaniwanga taian uea nakoia aia taani m'akuri aika a m'akuri ma te wanawana, ma a katuaaia akana a m'akuri ma te nanobaba.

Taeka n Rabakau 16:14

E konaa n tiringko te tia tautaeka ae e unun. Ma ngaia ae kam na kawanawanai ngkami. Kam na aki kauna temanna.

Taeka n Rabakau 19:12

E bekorara kaanga te raian te uea ane e unun, ma e riki b'a kaanga te aoi i aon taian uteute, te uea ngkana e kukurei.

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Taniera 3:19

Ao e a rangi ni maraki nanon Nebukaneta, ao e a ura moana n un irouia Tiateraka, Metiaka ao Abeteneko. Ma ngaia are, e kanakoa ana taeka b'a e na kauraaki te ai ae itiua te tai kabuebuena nakon are boni kabuebuen ae e tataneiai te aba iai.

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.

1.Tamuera 20:7

Ao ngkana arona b'a e kaangai, ‘E tamaroa’ Ao e na akea te kangaanga nako iu; ma ngkana e un, ko na ataia b'a e iaiangoa tiringakiu.

1.Tamuera 20:9

Ao e kaeka Ionatan ni kaangai, “E kaairua ane ko iangoia anne. Ngke arona b'a I ataa te b'ai ae e na karaoia tamau nakoim, N na riai ni kaman tuangko.”

1.Tamuera 25:17

Taiaoka ma kareerekea riki am iango iai ao karekea am iango b'a tera ae ko na karaoia nako iai. E konaa n riki te b'ai aei b'a rokon te kangaanga nakon ana toka ao kaain ana utu ni kabane. Bon te aomata ngaia ae e raarawa n tuangaki arona, ao bon akea ae e konaa n ongo i rouna!”