Etita 7:6 - Te B'aib'ara

⁶ Ao e taku Nei Etita, Bon ara kairiribai, bon te tia karawaawataira, te m'aane ae e buakaka ae Aaman. Ao e taraa te uea, ma te ueanaine Aaman ma te maaku.

Etita 7:6 ပူးပေါင်းရင်းမြစ်များ

Neemia 6:16

Ao ngke a ataia ara kairiribai ake i rarikira ae e a tia karaoan te oo, ao a rangi ni b'ara nanoia, i bukina b'a a ataia ae e a tia Atuara ni buokiira ni manga karaoa te oo.

Etita 3:10

Ao e buuta ana m'am'a te uea are e kakabongana n titamb'ana ana katanoata ma ni karikia b'a te b'ai ae e tabuaki, ao e anga nako ana m'am'a arei nakon aia kairiribai I-Iutaia are Aaman, are natin Ammetata te m'aane, are kanoan Akaaka.

Etita 7:5

Ao e kaekaa te ueanaine te uea are Keatiti ni kaangai, Antai ane e konaa ni karaoa te m'akuri anne? E ngaa te aomata anne?

Etita 8:1

Ni bon te bong naba arei, ao te uea are Keatiti e angan te ueanaine are Nei Etita ana b'ai Aaman ni kabane, are aia kairiribai I-Iutaia. E taetae te ueanaine nakon te uea ni kaota irekerekena ma Morotekai, ao mai mwiin te tai anne, e kariaiakaki Moretekai b'a e na konaa n rooroko i matan te uea.

Taian Areru 27:2

Ngke a eekainako aiau ma ni kataia ni kani kamateai, Ao a na bon tae aia kai mani b'aka.

Taeka n Rabakau 16:14

E konaa n tiringko te tia tautaeka ae e unun. Ma ngaia ae kam na kawanawanai ngkami. Kam na aki kauna temanna.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Itaia 21:4

E minotaki atuu; I a maaku! N te moan tairiki, a onikaki au tai aika a kukurei nakon te miibuaka.

1.I-Korinto 5:13

Ma te Atua E na motiki taekaia akana tiaki kaain te ekaretia. Kam na kam'awa te aomata ae buakaka mai buakomi.

2.I-Tetaronike 2:8

ao i mwina ngkanne, e na kaotaki teuare te tia ri aon te tua, are e na kamateaki iroun te Uea are Iesu n ikeni wina, ma ni kamaunaki ni mimitongin rokona.

1.Tamuera 24:13

Ko bon ataa te taeka ni kawai teuana ae e kaangai, “E karaoaki te buakaka irouia aika a bon buakaka.” Ma ngaia ae, N na bon aki karaoa ae e buakaka nakoim.