Etita 7:10 - Te B'aib'ara

¹⁰ Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Etita 7:10 ပူးပေါင်းရင်းမြစ်များ

Karikani B'aai 40:22

ao e tiringa ana tia karao kariki n aron are e bon taekinna Ioteb'a.

Etita 2:1

Ao i mwiin tabeua te tai ngke e a toki unin te uea, ao e bon tabe naba ni iangoa te b'ai are e a tia ni karaoia Nei Watiti, ma ana katanoata i bukin kabuakakaan Nei Watiti.

Etita 5:14

Ao a kaeka buuna ma raoraona ma n taku, E aera ngkai ko aki karaoa te kainikabaeroroa ae uabwi ma uoua te miita ab'akina? Ao nakon te ingabong ko butia te uea b'a e na anganiko Moretekai, b'a ko na kabaea roroana, ao i mwiina, ko a nako nakon te baka n am'arake ma te kukurei.

Etita 7:7

Ao e teirake te uea i bukin marakin nanona, e kiitana te ru arei, ao e otinako nakon nnenarokan te bareti. E kakoauaa raoi Aaman b'a te uea e na bon katuaaea i bukin te b'ai aei. Ma ngaia are, e tiku i rarikin te ueanaine ni buubutiia b'a e na kamaiua.

Etita 7:8

E eeinako nako aon ana kaintekateka Nei Etita, b'a e na buubuti nanoangaana, ao ngke e oki te uea nakon te ru man te nne n aroka, ao e nooria n arona arei, ao e takaarua ni kaangai, Tera ae e kataia ni karaoia te m'aane ae e buakaka aei? E na kataia n taua te ueanaine i matau ikai, i nanon oin au bareti? Ngke e tabe n taetae te uea, ao e a roko naba te toro temanna n rabuna atuun Aaman.

Etita 8:7

Ao e taku te uea are Keatiti nakon te ueanaine are Nei Etita ao Moretekai are te I-Iutaia, Nooria, I a tia ni kabaea roroan Aaman i bukin ana m'akuri ni kam'ane nakoia I-Iutaia, ao I a tia n angan Nei Etita ana b'ai nako Aaman.

Etita 9:14

Ao e tua te uea b'a e na karaoaki aei, ao e kamatoaaki arei i Tutian. A anaaki rab'ataia natin Aaman ake tengaun ao a kamenaki i mataia aomata.

Etita 9:25

Ma e nako Nei Etita ni kawara te uea, ao te uea e katanoataa ana taeka are e na karawaawataaki iai Aaman i bukin ana babaaire nakoia I-Iutaia, ao e tiringaki ma natina m'aane ni kabaeaki roroaia i aon te kainikabaeroroa.

Iobi 18:8

b'a e a manga bon uotia waena nako nanon te karaun, ma ni kab'aka nako nanon te kinono are te b'ai ni kam'ane.

Iobi 20:8

E na bua n ai aron te mii, kaanga te mii ae kakamaaku n te tairiki, ao e na aki manga oki n nooraki.

Taian Areru 37:15

Ma ane a na boni mate n oin aia kabaang; Ao ane a na m'aototo aia kainikatebe.

Taian Areru 7:16

B'a e na boni b'akaraki ni mwin oin ana m'akuri ae e buakaka, ao e na ikoaki ni mwin oin ana iowawa.

Taian Areru 94:23

E na kareke kaiia i bukin aia m'akuri aika bubuaka, Ao E na kamaunaia i bukin aia bure; A na kamaunaki iroun te UEA ae Atuara.

Taeka n Rabakau 11:27

Karaoa am kabanea n raoiroi ni kakaraoa te raoiroi, ao ane a na reke raoraomi; ma te nakonako ni kakaaea te kiriwe, e na bon reke iroumi.

Taeka n Rabakau 11:8

E katuanakoia ana aomata te UEA te kangaanga ao e oroia aika a buakaka.

Taeka n Rabakau 26:27

Ko na manga boni b'aka i nanon te m'anono are ko kenna; Ngkana ko moan karabinoa te atiibu, ao e na manga rabino n okiriko.

Ieremia 34:17

Kam a tia n aki ongotaeka i Rou ngkai kam a manga aki anga te inaomata nako ia ami toro. Ma ngaia are, N na anganingkami te inaomata-te inaomata ni mate n te buaka ke te mate n te baki. N na karikingkami b'a kam na rangi n ribaaki irouia botannaomata nako n te aonnaba.

Etekiera 5:13

Kam na namakina korakoran uniu ni karokoa tian raoi au karekekai. Ao i mwiin anne, kam na ataia b'a I un Ngai ae te UEA i bukin ami aki ongotaeka.

Taniera 6:24

Ao e a manga anga ana taeka te uea b'a a na katikaki te koraki ake a kabuakaka Taniera, ao e karenakoia nako nanon te b'angab'anga are nneia raian, n ikotaki ma buuia ma natiia. A kaman raweaki rab'ataia man raebitiaki irouia raian i m'aain rokoia i aontano.

Taniera 6:25

Ao e koroboki te uea are Taraiati nakoia botannaomata nako, reeti, ao taetae nako n te aonnaba ni kaangai: “Kam na mauri!

Tekaria 6:8

ao e manga takaarua nako iu ni kaangai, “A na karaoa te b'ai ae e tangiria Tamnein te UEA koraki ake a tia n nako nakon te aba are i meaang.

Tani Motiki-taeka 15:7

Ao Tamton ngke e atai baike a tia ni karaoi, ao e nakoia ao e taku, Kam tiringiia? N na bon aki katuka taekan te baei ni karokoa I tia ni kabooa mwiin te b'ai ae kam a tia ni karaoi.