Etita 6:8 - Te B'aib'ara

⁸ Angan te aomata anne taian niiniira n uea, niiniira ake ko kukunnikainiko iai. Ao anganna naba am aoti b'a e na toka i aona, ao am baunuea are e tikiraoi.

Etita 6:8 ပူးပေါင်းရင်းမြစ်များ

1.Uea 1:33

ao e taetae nakoia ni kaangai: “Kairiia tabeman au aobitia b'a kam na katokaa Toromon i aon au miure ao kairiia nakon Koburaken ranin Kion.

Etita 1:11

E tuangiia b'a a na kaira te ueanaine are Watiti nakoina, ao e na katokaa ana baunuea. Bon te aine ae e rangi ni botonaine te ueanaine arei, ma ngaia are, e tangiria te uea b'a e na kaota botonainena nakoia ana aobitia ma ana iruwa ni kabane.

Etita 2:17

Ao e tangiria riki te uea nakoia aine ake tabeman, ao e b'aka iroun Nei Etita, ao e anaaki nanona i rouna nakoia aine ake tabeman. Ma ngaia are, e a katokaa te baunuea i aon atuna, ma ni karikia b'a te ueanaine n onea mwiin Nei Watiti.

Etita 6:7

Ma ngaia are, e taku nakon te uea,

Te Minita 10:7

a kariaiakaki tooro b'a a na toka i aoia aoti; ao a kairoroia aia toka tooro b'a a na nakonako i aoni waeia.

Ruka 15:22

Ma e taku te tama nakoia ana toro, “Kam na kawaetataingkami n uota mai te kunnikai are moan te tamaroa, ao karinna i aona. ao kam na karina te burenibai i taboni baina, ao karini kauniwae i waena;

1.Tamuera 18:4

Ao e buuta te niiniirana Ionatan are e kunnikaina ao e karinna i aon Tawita. Ao e anganna naba kunnikaina ni buaka, ana kabaang, ana kainikatebe ma kanoana, ao ana bare.