Etita 6:11 - Te B'aib'ara

¹¹ Ma ngaia are, e anai niiniiraia b'aakuaku Aaman ma te aoti, ao e angan Moretekai. Ao e toka Moretekai i aon te aoti ao e kunnikainna n niiniiran te b'aakuaku, ao e kairaki iroun Aaman i nuukan te kaawa, ma ni kakatanoata n kaangai nakoia aomata ngke a tabe ni m'ananga, “Ani bon taraa aron te uea ni karinea te aomata ae e kukurei i rouna.”

Etita 6:11 ပူးပေါင်းရင်းမြစ်များ

Etira 6:13

Ao a ongotaeka raoi koowana are Tatenai, Teeta Botenai, ao aia taan iango iroun te uea are Taraiati.

Etita 6:10

Ao e taku te uea nakon Aaman, Kawaekoako anai niiniira ni b'aakuaku ma te aoti, ao katauraoi baikanne i bukin Moretekai are te I-Iutaia. Karaoi b'aai ni kabane nakoina n aron are ko a tia n taekinna. Naako nooria i mataroan te bareti.

Etita 6:12

Ao e a manga okira te bareti Moretekai, ao Aaman e kawaekoa n okira ana auti, ao e karabai matana ni baina b'a e mamaa.

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Etita 9:3

Ao ni bon oina, a buokaki irouia mataniwiin taian burawinti, ma taiani kowana, taan babaaire, taan tei i bukin te uea, b'a a bane ni maaka Morotekai.

Taeka n Rabakau 27:18

Kaawakina raoi te aroka ao ane e na manga anganiko uaana; tararuaa raoi am toka ao ko na neboaki.

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Ruka 1:52

E kab'akaia akana korakora man aia kaintokanuea, ao E karietataia akana mangori;

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.