Etita 5:9 - Te B'aib'ara

⁹ Ao e rangi ni kukurei ma ni kim'areirei Aaman ngke e a oki man te baka n am'arake. Ma e a manga noora Moretekai i rarikin mataroan te bareti, ao ngke e aki teirake Moretekai nakoina, ke ni karinea ngke e ri rarikina, ao e rangi ni maraki nanona iai.

Etita 5:9 ပူးပေါင်းရင်းမြစ်များ

1.Uea 21:4

Ao e a okira mwengana Aaba ma te marakinnano ao te rawawatannano i bukin ana taeka Naabota ake e taekin nakoina. E wene i aon ana kainiwene ni kaaitaraa te o ma n rawa n am'arake.

1.Uea 21:6

Ao e taku Aaba, “I bubutiia Naabota b'a e na kabooa ana onaroka ni kureebe nako iu ke N na anganna ae e tamaroa riki. Ao e tuangai b'a e aki kona n anganai.”

Etita 2:19

Ao i mwiin tabeua te tai, ao e a rineaki Moretekai iroun te uea b'a mataniwiin te bareti temanna.

Etita 3:2

Ao e tua te uea b'a a na bane mataniwiin ana bareti ni kaota karinean Aaman ni katorobubua i matana, ma ni bobaraaki nakoina. Ao a bane ni karaoa aei, ma bon ti Moretekai are e rawa ni karaoia.

Etita 3:5

Ao e un Aaman ngke e ataia b'a ngaia e rawa Moretekai ni katorobubua ma ni boobaraaki nakoina,

Etita 5:13

Ma e birinako kukureiu ni baikai ni kabane, ngke I a manga noora te I-Iutaia are Moretekai n tekateka i mataroan te bareti.

Iobi 20:5

ao bon akea te aomata ae buakaka ae e kukurei n te tai ae maan.

Iobi 31:31

A bane n ataia aomata ake a m'akuri i rou b'a I teimatoa ni bubutim'aia iruwa.

Taian Areru 15:4

A kakeai bongaia aomata aika akea aroia, mani kaota te karinerine nako ia aomata ni kabane ake a taromauriia te UEA, mani kawakin aia berita, n aki ongea booia.

Taian Areru 27:3

E ngae ngkana I otab'aniniaki n te taanga ni buaka ae korakora, ma N na bon aki maaku; e ngae ngkana a buakanai aiau, ma n na bon teimatoa n onimakina Atuau.

Taniera 3:13

Ao e rangi n un te uea n te b'ai arei, ao e kanaanako b'a a na kawaekoaaki uake teniman akekei nako matana.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Mataio 2:16

Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.

Ruka 6:25

A na reke kaimi ngkami akana kam ngae, b'a ane kam na baki! A na reke kaimi akana kam ngarengare ngkai, b'a ane kam na tanginiwenei ao kam na katumaua te tang!

Ioane 16:20

Bon te koaua ni koaua ae I a tuangngkami b'a ane kam na tang ma n tanginiwenei, ma ane e na kim'areirei te aba; ane kam na nanokawaki, ma ane e na oneaki nanokawakimi nakon te kim'areirei.

M'akuri 7:54

Ngke a ongo taeka akekei kaain te Tanirim, ao a tenai bukini m'angaia b'a a rangi n un iroun Tetebano.

Iakobo 4:9

Kam bon riai n nanokawaki ma n tang ni korakai. Ke e oneaki ngarengaremi nakon te tang ni korakai, ao ami kim'areirei nakon te mata ni kananoanga.