Etita 5:3 - Te B'aib'ara

³ Ao e titirakina Nei Etita, ao e taku, Tera ae ko tangiria te ueanaine ae Nei Etita, tuangai b'a tera ae ko tangiria, ao e na reke iroum, e aoria ngkana iteran abanueau ke kaub'aiu.

Etita 5:3 ပူးပေါင်းရင်းမြစ်များ

1.Uea 2:20

Ao e tekateka Nei B'atateb'a ao e bubutiia ni kaangai, “Iai au buubutii ae e uarereke?” Ao e taku Toromon, “Ani bon ti taetae naba b'a I a karaoa naba ane ko taekinna.”

1.Uea 3:5

Ao n te tairiki teuana ngke e mena Toromon i Kibeon, ao E kaoti te UEA ae te Atua nakoina n te mii ao E taku, “Toromon, buubutii te b'ai ae ko tangiria b'a N na anganiko.”

Neemia 2:4

Ao e taku te uea, “Ao tera ae ko tangiria b'a n na karaoia?” I tataro nakon te Atua are e taua taekan karawa.

Etita 5:4

Ao e kaeka Nei Etita, ao e taku, Ngkana ko butim'aea au buubuti te uea, ao I tangiriko ma Aaman, b'a kam na riki b'a au iruwa nakon au baka n am'arake nakon te b'akantaai, ae N na katauraoia i bukimi.

Etita 5:6

Ao ngke a tabe ni mooi n te wain, ao e taku te uea nakon Nei Etita, Ko na tuangai te b'ai ae ko tangiria, ao e na reke iroum. N na bon butim'aea am bubuti, e aoria ngkana ko butiai iteran abanueau.

Etita 7:2

te kauoua n tai. Ao e a manga titirakina riki neierei te uea ni kaangai, Nei Etita ae te ueanaine, tera ae ko tangiria? Tuangai b'a N na karaoia i bukim. E aoria ngkana iteran abanueau.

Etita 9:12

Ao e taku te uea nakon te ueanaine are Nei Etita, A tia I-Iutaia n tiringiia nimabubua te aomata n reitaki ma natin Aaman ake tengaun. Tera riki ae a tangiria ni karaoia n abanueau. Tera ae ko tangiria ngkai? Ko na anganaki ane ko tangiria. Tuangai riki te b'ai ane ko tangiria, ao e na reke iroum.

Mareko 6:23

Ao e taetae n tuea nako ina ni kangai, “Ane ko tuangai, ao N na anganiko, e aoria ngkana iteran ueau!”

Ruka 18:41

“Tera ae ko tangirai iai b'a N na karaoia i bukim?” E taku, “Te Uea, I kan noraba!”

M'akuri 23:19

E taua bain te roronga arei aia mataniwi tautia, ao e kairia nako ni kaokoroia n ti ngaiia, ao e a titirakinna ngkanne ni kaangai, “Tera am taeka ane ko na tuangai?”