Etita 5:2 - Te B'aib'ara

² Ao ngke e noora Nei Etita n teitei i tinaniku, ao e kukurei i rouna, ao e arora ana kainuea are te koora nakoina. Ao e waaki rake Nei Etita n riinga tabon te kainuea.

Etita 5:2 ပူးပေါင်းရင်းမြစ်များ

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

Neemia 1:11

I butiiko b'a Ko na kaekaa au tataro ao aia tataro am taani m'akuri ake tekorakina aika a kukurei naba ni karinea aram. Ngkana I uota ana wain te uea n te bong aei, ao karaoia b'a e na kukurei irou, ma ni karaoa te b'ai ae n na buubutiia.

Etita 2:9

Ao e tatangiraki riki Nei Atita iroun Ekai. Ma ngaia are, e aki manga anga ana tai ma e a waakina naba kakatamaroan te aine arei, ma n anganganna te am'arake ae e okoro. E anganna ana tabo ae e rangi n tamaroa n te tabo arei, are nneia buun te uea, ao e rinei itiman ainen te bareti b'a buokana.

Etita 4:11

Ngkana iai te m'aane ke te aine ae e rin ni m'aneaban ana bareti te uea, ao e aki weteaki iroun te uea, ao e na tiringaki te aomata anne. Bon anne te tua ae e bane n ataaki mairoun te uea ma ana taani iango, ao kaain aaba nako. Ma bon ti teuana te kawai are e kona ni karaoaki iai anne b'a ti ngkana e arora ana kai are te koora te uea nakon te aomata anne, ao e na aki tiringaki. Ao ai te nam'akaina tabun ngkai au tai n aki weweteaki iroun te uea mai mwiin moani weteau i rouna.

Etita 8:4

Ao e arora ana kainuea te uea are te koora nakon neierei, ma ngaia are, e teirake ao e taku,

Taian Areru 116:1

I tangiriko te UEA, B'a ko ongo b'anaan au tataro.

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

M'akuri 10:4

Ao ngaia e kam'ataua taraana ma te maaku ae bati, ao e taku, “Te uea, tera?” Ao e kaeka te anera ni kangai, “E kukurei te Atua i roum n am tataro ao n am b'ai nako n tituaraoi, ao E ongo i roum.

M'akuri 7:10

ao E kamaiua man rawawatana ni kabane; ao E anganna te rabakau ma te aro ae na tatangiraki iai irouni B'arao are uean Aikubita, are E rineia b'a te tia tautaeka i aon Aikubita ma ana utu ni kabaneia.