Etita 5:14 - Te B'aib'ara

¹⁴ Ao a kaeka buuna ma raoraona ma n taku, E aera ngkai ko aki karaoa te kainikabaeroroa ae uabwi ma uoua te miita ab'akina? Ao nakon te ingabong ko butia te uea b'a e na anganiko Moretekai, b'a ko na kabaea roroana, ao i mwiina, ko a nako nakon te baka n am'arake ma te kukurei.

Etita 5:14 ပူးပေါင်းရင်းမြစ်များ

2.Tamuera 16:21

Ao e kaeka Aitobera ni kaangai, “Iai buun tamam aika a tiku ni kaawakina te bareti. Ko na wenenibure ma ngaiia. Ao ane a na ataia iai aomata b'a ko bon rangi ni kabuakaka tamam. Ao e na kakorakora riki nanoia aika a raoniko.”

1.Uea 21:25

Akea te aomata n aron Aaba, ae e kabonakoa i bukin karaoan te buakaka i matan te UEA, ao ni kairoroaki iroun buuna ae Ietebera.

1.Uea 21:7

Ao e taku Nei Ietebera, “Tiaki te uea ngkoe? Teirake man am kainiwene ao am'arake. N na anaa ana onaroka Naabota i bukim.”

Etita 6:4

Ao n te tai aei, ao e a tia n rin Aaman b'a e na butia te uea b'a e na kabaeaki roroan Moretekai i aon te kainikabaeroroa are e a tauraoi.

Taian Areru 37:14

A buuti aia kabaang aomata akana buakaka, ao a tauraoi ni kanakoi kanoan aia kainikatebe, b'a a na kamateia akana akea aia b'ai ma akana a kai nanoia; Ao a na tiringiia akana raraoi aroia

Taian Areru 37:32

E tarataraa te aomata ae raoiroi te aomata ae buakaka, ao e ukoukora kamateana.

Taian Areru 9:15

A b'aka botannaomata ake a aki onimakiniko i nanon kinono ake a ken. A boni manga bae waeia n aia b'ai ni kam'aam'ane.

Taeka n Rabakau 1:18

A ikoikotaki n tiringa te aomata ma bon taani m'ane rimoa ngaiia.

Taeka n Rabakau 4:16

A bon aki mamatu ke ni motirawa ni karokoa a tia ni karaoa te kaairua ke ni kamarakiia tabeman aika akea aia bure.

I-Rom 1:32

A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

I-Rom 3:15

A waekoakoa ni kaikoaki ao n tiritiri;

Te Kaotioti 11:10

Ao ake a maeka i aon te aba a kim'areirei ma ni kakatonga; ao ane a na kanako b'aintangira ni bon nakoia n tatabemaniia nako; b'a burabeti ake uoman akekei bon taan uota te aro ae kamamate nakoia aomata ake a mena i aon te aba.