Etita 5:12 - Te B'aib'ara

¹² Ao e reitanako ana taeka ma n taku, Ma ai moara riki aron Nei Etita are te ueanaine, b'a bon akea ae e a tia ni karaoa ana baka n am'arake i bukina, ma bon ti nakon te uea ao ngai, ao e a manga kaoiira naba b'a ti na manga oki nakon te ingabong.

Etita 5:12 ပူးပေါင်းရင်းမြစ်များ

Etita 5:13

Ma e birinako kukureiu ni baikai ni kabane, ngke I a manga noora te I-Iutaia are Moretekai n tekateka i mataroan te bareti.

Etita 5:8

Ngkana tao arona b'a e na kariaia te uea au bubuti, ao N na manga butiko riki ma Aaman b'a kam na manga riki naba b'a au iruwa nakon te baka n am'arake ningabong ae N na katauraoia i bukimi. Ao I a tuangko te b'ai ae I tangiria nakon te ingabong.

Taeka n Rabakau 27:1

Ko na aki kamoamoa i bukin te ingabong! b'a ko aki ataa kanoan te bong teuana ma teuana.

Te Minita 8:7

e ngae ngke bon akea ae e konaa n taekin kanoani boong aika a na roko.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.