Etita 5:1 - Te B'aib'ara

¹ Ao n ana katenua ni bong n aki mamatam Nei Etita, ao e a karina niiniirana ao e nako n tei i nanon m'aneaban te bareti, ni kaaitaraa te ru are e mena iai te kaintokanuea. Ao e boni mena ikekei te uea i aon ana kaintokanuea ni kaaitaraa te mataroa.

Etita 5:1 ပူးပေါင်းရင်းမြစ်များ

Etita 1:11

E tuangiia b'a a na kaira te ueanaine are Watiti nakoina, ao e na katokaa ana baunuea. Bon te aine ae e rangi ni botonaine te ueanaine arei, ma ngaia are, e tangiria te uea b'a e na kaota botonainena nakoia ana aobitia ma ana iruwa ni kabane.

Etita 2:5

Ao iai te I-Iutaia ae arana Moretekai ae natin Iaira, ae kaain te baronga are Beniamin, ae e riki mairoun Kiti ao Timei.

Etita 4:11

Ngkana iai te m'aane ke te aine ae e rin ni m'aneaban ana bareti te uea, ao e aki weteaki iroun te uea, ao e na tiringaki te aomata anne. Bon anne te tua ae e bane n ataaki mairoun te uea ma ana taani iango, ao kaain aaba nako. Ma bon ti teuana te kawai are e kona ni karaoaki iai anne b'a ti ngkana e arora ana kai are te koora te uea nakon te aomata anne, ao e na aki tiringaki. Ao ai te nam'akaina tabun ngkai au tai n aki weweteaki iroun te uea mai mwiin moani weteau i rouna.

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Etita 4:17

Ao i mwiin arei, ao e a nako Moretekai ma ni karaoi b'aai ni kabane ake e a tia n tuangnga Nei Etita.

Etita 6:4

Ao n te tai aei, ao e a tia n rin Aaman b'a e na butia te uea b'a e na kabaeaki roroan Moretekai i aon te kainikabaeroroa are e a tauraoi.

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Mataio 10:16

Noria, I kanakoingkami b'a kaanga tiibu i buakoia kameaanti; ma ngaia are kam na wanawana n ai aroia naeta, ao kam na nimamannei n ai aroia taobe.

Mataio 11:8

Ao tera ngkanne bukin are kam nako iai? Kam na nora te aomata ae kunnikaia n te kunnikai ae tikiraoi? Noria, a mena n aia auti uea aomata aika kunnikaiia ni kunnikai aika tikiraoi.

Mataio 27:64

Ma ngaia ae ko na tua b'a e na tararuaki raoi te nne ni mate ni karokoa te katenibong, b'a a kawa n roko ana reirei n iraea, ma ni kangai nakoia aomata: E a manga uti mai buakoia maate; ao ane na buakaka riki te aro ni bureburea te aba aei nakon are mai m'aina.”

Ruka 22:30

b'a kam aonga n am'arake ma ni moi n au taibora n Ueau, ao n tekateka i aoni kaintokanuea b'a kam na motiki taekaia aia baronga Iteraera ake tengauni ma ua baronga.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.