Etita 4:8 - Te B'aib'ara

⁸ Ao e angan Ataka katotongan te katanoata are e taekinaki i Tutian, are e anga te kariaia i bukin tiringaia taian I-Iutaia. Ao e butia te toro arei Moretekai, b'a e na kab'arab'araa raoi te b'ai arei nakon Nei Etita, ma ni butia te uea ma n ononiia b'a e na nanoangaia ana botannaomata.

Etita 4:8 ပူးပေါင်းရင်းမြစ်များ

Etita 2:20

Ao neiere Nei Etita, e bon tuai man kakaotia ae te I-Iutaia ngaia. E a tia n tuangnga Moretekai b'a e na aki kakaotia nakon temanna ma temanna, ao e ongotaeka Nei Etita nakon anne, n ai arona n ongongotaeka iroun Moretekai ngke e kaawakinna ngkoa i nanon uarerekena.

Etita 4:9

Ao e karaoa arei Ataka,

Etita 8:6

N na kangaa ni waaki nako ngkana e roko te kabuanib'ai aei i aoia au aomata, ao a tiringaki oin au utu?

Iobi 9:15

Ngkai bon akea au bure, ao te b'ai ae I ti konaa ni karaoia bon ti te bubuti Ana akoi te Atua ae au Tia Moti.

Taian Areru 122:6

Ierutarem, ti na tataro b'a ko aonga n rau: ao a na bane n tekeraoi akana tangiriko.

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Te Minita 10:4

Tai kaaki am m'akuri ngkana e un am mataniwi. E na kab'araaki am bure ngkana ko tiku n aki kakarongoa.

M'akuri 12:20

E rangi n un Erote irouia I-Turo ma I-Titon; ma ngaia are a botiia aia koraki ao a nako ni kawara Erote. A anaa moa nanoni Berateto nakon aia iango; e mena i rouna mwiokon ana tabo ni maeka te uea. Ao a nako ngkanne nakon te uea ni butiia reken te raoi: b'a a karerekei am'arake i bukin abaia man aban te uea.

1.Timoteo 6:13

I tuangko i matan te Atua, ae anga te maiu nakoni b'aai ni kabane, ao i matani Kristo Iesu, are kaota tauani bukin te koaua are raoiroi i matani Bontio Birato,

1.Timoteo 6:17

Ko na tuangiia akana kaub'ai ni b'ain te maiu aei, b'a a na tai kainikatonga ao a na tai onimakina te kaub'ai ae aki teimatoa; ma a na onimakina te Atua, ae kabane b'aai ni kabatiai n anganira b'a ti na kukurei iai.