Etita 4:1 - Te B'aib'ara

¹ Ao ngke e a atai b'aai aika a karaoaki Moretekai, ao e raeuai kunnikaina i bukin rawawatana, ao e karin kunnikai aika a mangaingai, ao e tauna atuna n te mannang, ao e nakonako i nuukan te kaawa are e buubura arei n tangi n takaarua n te b'anaa ae e kananoanga,

Etita 4:1 ပူးပေါင်းရင်းမြစ်များ

Karikani B'aai 27:34

Ao ngke e ongo aei Etau, ao e tang n takaarua ma te rawaawata, ao e taku, “Ko na anganai naba te kakab'aia tamau.”

Karikani B'aai 37:34

Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan.

2.Tamuera 1:11

Ao a raeuai aia kunnikai Tawita ma ana tautia i bukin rawawataia.

2.Tamuera 13:19

Ao e raeuaa niiniirana Nei Tam'aa ao e kaaki te mannang i aon atuuna. Ao e karaba matana ni baina ao e tang n takaarua ngke e tabe n nakonako.

Etita 4:2

ni karokoa rokona ni mataroan te bareti. E bon aki rinnako n ana bareti b'a e tabuaki te rinnako ma kunnikai aika a mangaingai.

Etita 4:3

Ao a bane n tang taian I-Iutaia n taabo nako ike e katanoataaki iai ana rongorongo te uea arei. Ao a aki mamatam, ao a tanginiwenei, ao angiia a karin kunnikai aika a mangaingai, ao a wene i buakon taiani mannang.

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Iobi 2:8

Ao e nako Iobi n tekateka i rarikin te tabo ni maange, ao e anaa te maibi ni katiibu ni kakaara iai kaboana.

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Itaia 15:4

A tang aomata mai Etibon ao Ereare, ao e ongo te aba mai Iaati; A takaarua n tang taani buaka mai Moaaba ngke a ruru ni maaku.

Itaia 22:4

Ao i mwiina, I a taku, “katukai n arou! Kariaia b'a N na tang ni katinakoi rannimatau aika a maai. A tia ni tiringaki au aomata, ma ngaia ae kam na aki karaua nanou.”

Itaia 37:1

Ao ngke e ongo naba te rongorongo arei Etekia, ao e raeuai kunnikaina i bukin rawaawatan nanona, ao e karin kunnikai aika a mangaingai. Ao i mwiina, e nako n rin n ana Tembora te UEA.

Itaia 37:2

E tuanga te Buraiminitita are Eriakim, te kauoman ni buraiminitita are Tebena, ao te ibonga b'a a na kunnikaiia ni kunnikai aika a mangaingai ao a na kaangai nakon Itaia:

Itaia 58:5

Tao kam taku b'a e tangiringkami te UEA b'a kam na toki man ami aki am'am'arake ma ami nanorinano are kaanga te buakoako n aroka ae e raranako? Ke Tao ni karina te kunnikai ae e mangaingai ma n tekateka i aon taiani mannang? Bon aei te b'ai ae e tangiria n te bong n taromauri?

Etekiera 21:11

E a tia ni karaneaneaaki Au kabaang; e kakang ao e tauraoi n tiritiri.

Etekiera 21:6

Etekiera, ko na ngirangira n nanokawaki ao ni korakai n te aro are a na ongo aomata tangitangim.

Taniera 9:3

Ao I kakorakoraai n tataro nakon te Uea ae te Atua, mani kairoro, man aki mamatam, mani karinii kunnikai aika a mangaingai, ao n tekateka i aon te mannang.

Mika 1:8

E taku Mika, “N na tanginiwenei ma ni b'aeb'aeti i bukin aei. N na nakonako n aki kaunai, ao N na aki kunnikainai b'a kaotan rawawatan nanou. N na tang n nanokawaki n ai aron te tanguoua.

Teb'ania 1:14

E a kaan ana bong te UEA, e a rangi ni kaan, ao e rangi ni waekoa! Te bong ae moan te kakamaaku n te aro are e na bon rotaki naba iai te tautia ae moan te ninikoria.

Mataio 11:21

ao E kangai, “A na reke kaimi kaaini Koratin! A na reke kaimi kaaini Betetaita! B'a ngke arona b'a a tia ni karaoaki m'akuri aika kamimii i Turo ao i Titon, ake m'akuri ake a karaoaki i Koratin ao i Betetaita, ao kaain Turo ma Titon a na kamani karin i aoia kunnikai ake a b'ab'ainaki n tain te rawawata, ma ni kabiri mataia ni mannang b'a kaotan rairan nanoia.

M'akuri 14:14

Ngke a ongo taan tuatua ake B'arenaba ma B'auro taekani baike a nang karaoi aomata, ao a raei kunnikaia, ao a biribiri i buakoia aomata n tatakarua,

Iotua 7:6

Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”