Etita 3:7 - Te B'aib'ara

⁷ Ao n ana katebwi ma uoua n ririki ni uea Keatiti, n te moan nam'akaina, are te nam'akaina are Nitian, ao e a tuatua Aaman b'a e na kaiwanaki ana tai ae e na nakoraoi iai ana m'akuri ni kam'ane. Ao akea b'a e wiia te nam'akaina are te katebwi ma uoua, are Ata.

Etita 3:7 ပူးပေါင်းရင်းမြစ်များ

Etira 4:6

N ana moan ririki n uea Aatuereti, ao a bukiniia kaain Iuta ao Ierutarem b'a a karaoa te m'akuri ae e buakaka.

Etira 6:15

Ni katenuan bongin te nam'akaina are Ata ni kaonouan ana ririki n tautaeka Taraiati, ao e a bobonga iai karaoan te Tembora.

Neemia 2:1

I nanon te nam'akaina ae Nitan i nanon ana kauabwi n ririki Atatokititi ni uea, ao I touatina nimana te wain, n aron are I a bon tia ni kaakaraoia mai m'aaina. Ma bon aio te moan tai ae I a tib'a taraa n nanokawaki iai i matana.

Etita 1:3

Ao n ana katenua n ririkin tautaeka, e karaoa ana baka n ana am'arake ae e ab'ab'aki i bukiia ana aobitia ma ana taani kairiiri. Ao a roko naba taan kairiiri man te taanga ni buaka mai botia ma Miria, n reitaki naba ma taian kowana ma aomata aika kakannato man aaba nako mai nanon abanueana.

Etita 2:16

Ma ngaia are, i nanon ana kaitiua n ririki n uea te uea are Keatiti, n te katebwina n nam'akaina are Tebeta, ao e a uotaki Nei Etita nakon ana bareti te uea are Keatiti.

Etita 9:1

E a roko katebwi ma tenuan bongin Ata, are te bong are e katanoataaki iai ana moti te uea b'a e na karaoaki, te bong are a kaantaningaia iai aia kairiribai I-Iutaia b'a a nang reke iai I-Iutaia i aan m'aakaia. Ma ngaia tiaki, b'a a manga tokanikai I-Iutaia i aoia.

Etita 9:21

ma n tuangiia b'a a na kakaraoa aia kauring n katebwi ma auan ao katebwi ma nimauan te nam'akaina ae Ata, ma ni karikia b'a te bong ni motirawa ni katoa ririki.

Etita 9:5

Ma ngaia are, a konaa taian I-Iutaia ni karaoa te b'ai are a tangiria ni karaoia nakoia aia kairiribai. A buakaniia n te kabaang ao a tiringiia ni kabane.

Taeka n Rabakau 16:33

Ti konaa ni karaoi oin ara babaaire nako, ma bon ti te UEA n ti ngaia ae e baairei baika a riki.

Mataio 27:35

Ao ngke a tia n taura Iesu n te kaibangaki, ao a tib'ai kunnikaina i marenaia n te aro ni kaiwa.