Etita 3:2 - Te B'aib'ara

² Ao e tua te uea b'a a na bane mataniwiin ana bareti ni kaota karinean Aaman ni katorobubua i matana, ma ni bobaraaki nakoina. Ao a bane ni karaoa aei, ma bon ti Moretekai are e rawa ni karaoia.

Etita 3:2 ပူးပေါင်းရင်းမြစ်များ

Karikani B'aai 41:43

Ao e anganna te kauoua ni ka ni uea are katikitikaki irouia aoti b'a baona, ao e ririmoana te tia kawakinna n tatakarua ni kaangai, “Kam'awa te kawai. Kam'awa te kawai.” Ma ngaia are, e a rineaki Ioteb'a b'a te kowana i aon Aikubita ni kabutaa.

Etita 2:19

Ao i mwiin tabeua te tai, ao e a rineaki Moretekai iroun te uea b'a mataniwiin te bareti temanna.

Etita 2:21

Ao n te tai are e reke iai ana m'akuri Moretekai n te bareti, ao a riki iai Biketan ma Tereti ake taian iunaki, ake a tararua mataroan ana ru te uea b'a ana kairiribai te uea are Keatiti, ao a tabe ni iaiangoa tiringana.

Etita 2:5

Ao iai te I-Iutaia ae arana Moretekai ae natin Iaira, ae kaain te baronga are Beniamin, ae e riki mairoun Kiti ao Timei.

Etita 3:1

Ao n te tai ae e aki maan, ao te uea e karikirakea Aaman nakon te nakoa ni buraim minitita. Teuae Aaman bon natin Ammetata, are kanoan Akaaka, are uean Amareka are aia kairiribai ngkoa tibun Iteraera.

Etita 3:3

Ao a titirakinna raona n aobitia b'a bukin tera ngkai e rawa n ongotaeka nakon ana taeka te uea;

Etita 3:5

Ao e un Aaman ngke e ataia b'a ngaia e rawa Moretekai ni katorobubua ma ni boobaraaki nakoina,

Etita 5:9

Ao e rangi ni kukurei ma ni kim'areirei Aaman ngke e a oki man te baka n am'arake. Ma e a manga noora Moretekai i rarikin mataroan te bareti, ao ngke e aki teirake Moretekai nakoina, ke ni karinea ngke e ri rarikina, ao e rangi ni maraki nanona iai.

Taian Areru 15:4

A kakeai bongaia aomata aika akea aroia, mani kaota te karinerine nako ia aomata ni kabane ake a taromauriia te UEA, mani kawakin aia berita, n aki ongea booia.

Te Otinako 17:14

Ao i mwiin arei, E taku te UEA nakon Moote, “Koroi taekan te tokanikai aei ao warekia nakon Iotua. I tangiriia kaain Amareka b'a a na mauna nako taekaia n aki toki.”

Te Otinako 17:16

Ao e taku, “katioa i eta Ana mani n tokanikai te UEA.” E na bon teimatoa te UEA ni buakaniia kaain Amareka.

Taniera 2:49

Ao e bubuti Taniera nakon te uea i bukiia raona akekei, ao te uea e rinea Tiateraka, Metiaka ao Abeteneko b'a taan taua taekan te burawinti are B'aburon, ao Taniera b'a ana tia iango te uea.

Te Tua-Kaua 25:19

E na buokingkami te UEA ae Atuami n taua te aba, ao E na anganingkami te rau. Ma ngkana e roko te bong arei, ao kam na riai n tiringiia kaain Amareka n akea nikiraia naba temanna, b'a a aonga n akea manga uringakiia ae a maiu, ngke a mena ngkoa ikanne.

I-Biribi 2:10

b'a a aonga ni bane te koraki ake a mena i karawa, ma ake i aon te aba, ma ake i aan te aba, ni katorobubua ni karinea aran Iesu;

1.Tamuera 15:3

“Naako buakaniia kaain Amareka! Kamaunaia ma aia b'ai ni kabane. Kam na bon aki nanoangaia naba teutana. Tiringiia m'aane, aine, ataei, n reitaki naba ma ake a uarereke. Tiringiia naba aia kao, aia tiibu, aia kamero, ao aia aati.”