Etita 3:15 - Te B'aib'ara

¹⁵ Ao e kanakoa ana taeka te uea i bukin reeta akekei b'a a na katanoataaki nakoia te botannaomata ake i Tutian, are atuun kaawan te tautaeka, ao a birinako taan uarongorongo ni karokoa te rongorongo arei n aban te tautaeka ake tabeua. Ao a karauia n tekateka te uea ma Aaman ni mooi ngke a kiriwe nanoia aomata n te b'ai arei.

Etita 3:15 ပူးပေါင်းရင်းမြစ်များ

Karikani B'aai 37:25

Ao ngke a tabe n am'arake, ao a nooriia tibun Itimaera aika m'ananga mai Kireata nako Aikubita, aika onrake aia kamero n taian boiarara ma taiani kanim.

1.Uea 14:27

Ao e onei mwin otanga koora Roboam n taian otanga aika buraonti, ao e tuangiia taan tararuaa mataroan b'a a na tararuai raoi taian otanga ake buraonti.

Etita 1:10

Ao n te kaitiua ni bong, ao e a manging te uea, ao e a kukurei, ma ngaia are e a kawaekoaia ana iunaki ake itiman ake; Meuman, Bitita, Arebona, Bikete, Abaketa, Tetara ao Karekati.

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Taian Areru 37:7

Taotaona nanom ao kaantaninga te UEA; Tai kabonoa nanom irouia akana rikirake kab'aiaia, Ke irouia akana kokoro bukin aia iango nako aika bubuaka.

Taeka n Rabakau 1:16

A rangi ni waekoakoa nakon karaoan te bure, ni karokoa naba bon te tiritiri.

Taeka n Rabakau 29:2

Ngkana e tautaekana te botannaomata te eti, ao a na bane ni kukurei aomata; ao ngkana e tautaeka te kairua, ao a na bane ni kungkung aomata.

Taeka n Rabakau 31:4

A na riai n aki koro ni manging ao a na aki b'arua naba te manging uea ma taan tautaeka.

Taeka n Rabakau 4:16

A bon aki mamatu ke ni motirawa ni karokoa a tia ni karaoa te kaairua ke ni kamarakiia tabeman aika akea aia bure.

Otea 7:5

A koro ni manging ana mataniwi n te bong are e katokaaki iai ana baunuea aia uea, ao e a manga ira burababaia.

Amota 6:6

Kam momooi wain n taian boora ao kam kabiri ngkami ni kabira aika a rangi ni boiarara, ma kam aki nanokawaki i bukin uruan Iteraera,

Ioane 16:20

Bon te koaua ni koaua ae I a tuangngkami b'a ane kam na tang ma n tanginiwenei, ma ane e na kim'areirei te aba; ane kam na nanokawaki, ma ane e na oneaki nanokawakimi nakon te kim'areirei.

Te Kaotioti 11:10

Ao ake a maeka i aon te aba a kim'areirei ma ni kakatonga; ao ane a na kanako b'aintangira ni bon nakoia n tatabemaniia nako; b'a burabeti ake uoman akekei bon taan uota te aro ae kamamate nakoia aomata ake a mena i aon te aba.