Etita 2:5 - Te B'aib'ara

⁵ Ao iai te I-Iutaia ae arana Moretekai ae natin Iaira, ae kaain te baronga are Beniamin, ae e riki mairoun Kiti ao Timei.

Etita 2:5 ပူးပေါင်းရင်းမြစ်များ

2.Tamuera 16:5

Ao e tabe ni kaan Tawita nakon te kaawa are Baurim ngke e a ti otinako naba te m'aane temanna ni kamaraiia. Te aomata arei bon Timei are natin Kera te m'aane, ao bon temanna ngaia mai buakoia ana utu Tauro ae e a raroa.

2.Uea 24:12

E waekoa Ieoiakin n taenikai, ni ikotaki ma tinana ao ana taani m'akuri, ao ai uana naba ma ana aobitia n te taanga ni buaka, ao a na mataniwi. Ao e katika Ieoiakin te uea are Nebukaneta. A riki baikai n ana kawanua n ririki Nebukaneta n tautaekana B'aburon.

2.Uea 24:15

E uotaanako Ieoiakin te uea are Nebukaneta nako B'aburon, ni ikotaki ma tinana, buuna, ana mataniwi, ao ai taani kairiiri aika a kakannato mai Iuta.

Etita 1:2

Uean Botia are Keatiti e maeka n atuun kaawan ana tautaeka are Tutian, ao e tautaekan burawinti aika 127 mai Inria ni karokoa Itiobia.

Etita 10:3

E kauoman Morotekai are te I-Iutaia i aan te uea are Keatiti. E karineaki, ao e rangi n tangiraki irouia raona n I-Iutaia. E m'akuri i bukin kab'aiaia ana aomata, ao i bukin kamanoaia aia kariki ni kabane.

Etita 2:3

Ko kona n rineia taian aobitia i nanon abam b'a a na kairiia ataeinaine aika a botonaine nakoni nneia buum ikai, n te kaawa ae Tutian, ae atuun kaawan am tautaeka. Angan Ekai are te iunaki are e kakawakiniia aine, b'a e na kawakinia, ao tuua b'a a na tararuaaki raoi.

Etita 2:4

Ao i mwiina, ko anaa te ataeinaine ae ko tangiria riki mai buakoia, ao karikia b'a te unaine n onea mwiin Nei Watiti.

Etita 5:1

Ao n ana katenua ni bong n aki mamatam Nei Etita, ao e a karina niiniirana ao e nako n tei i nanon m'aneaban te bareti, ni kaaitaraa te ru are e mena iai te kaintokanuea. Ao e boni mena ikekei te uea i aon ana kaintokanuea ni kaaitaraa te mataroa.

1.Tamuera 9:1

Kiti bon te aomata ae marurung ae kaain te baronga are Beniamin. Tamana bon Abiera, ao tibuna bon Abia.