Etita 2:18 - Te B'aib'ara

¹⁸ Ao te uea e karaoa te baka n am'arake ae e ab'ab'aki i bukin karinean Nei Etita, ao e kaoiia ni kabane ana aobitia ma ana taani kairiiri. Ao e anga te motirawa ae e ab'ab'aki nakon ana tautaeka ni kabane, ao e kakerikaaka te angab'ai n rab'ata i nanon ana tautaeka ni kabutaa.

Etita 2:18 ပူးပေါင်းရင်းမြစ်များ

Karikani B'aai 29:22

Ma ngaia are, e a karaoa ana baka ni mare Raab'an, ao e kaoiia aomata nako.

Neemia 8:11

Ao a kakorakoraia aomata kanoan Rewi ni kaangai, “Bon te bong ae e tabu te bong aei, ma ngaia ae, kam na aki raraoma ke n tang!”

Etita 1:7

A kabutaki taiani mooi n taiani m'angko koora, aika a bane ni kakaokoro aekakiia, ao e kukurei te uea n anga te wain are bon ti niman te uea.

Etita 9:22

Bon aika boong are a tia iai I-Iutaia ni kamaiuia i bon irouia mairouia aia kairiribai; bon aei te nam'akaina are e a tia n bitaki man te tai n nanokawaki, ma ni korakai nakon te tai n kukurei ma ni kim'areirei. A tuangaki b'a a na kakauringi boong aikai ni karaoa iai aia baka n am'arake, ma n anga aia b'aintangira taian am'arake i bon i marenaia n tatabemaniia nako ao nakoia aika a kainano.

Ana Anene Toromon 3:11

Nakomai ngkai noora te baunuea ae e anganaki Toromon iroun tinana i nanon ana bong ni mare ae e kakukurei.

Ana Anene Toromon 5:1

Au kainrou, ae bon ti au b'ai, I roko nakon au nnenaroka ao I kukurei ni boiararana. I kang kanau ake ngaon ao ana karewe te manibeeru; ao I nima nimau are te wain ao te miriki. Am'arake ao mooi ni karokoa kam a manging n te tangira.

Mataio 22:2

E a kona ni kabotauaki Uean te Atua b'a kaanga ai aron te uea, are karaoa te am'arake ni baka i bukin natina te mm'aane.

Mareko 6:21

E reke ana tai Eroria: e reke n ana tai Erote ngke e kauringa ana bongi ni bung, ngke e karaoa te am'arake ae ab'ab'aki i bukiia ake a kakannato n te tautaeka, ao i bukiia mataniwi n taanga ni buaka, ma aomata ake a kakannato i Kariraia.

Ruka 14:8

“Ngkana ko kaoaki iroun temanna nakon te baka n am'arake, ao tai tekateka n te tabo ae moan te kakannato, b'a e kawa n iai ae kakannato riki nako im ae e kaoaki iroun teuarei,

Te Kaotioti 11:10

Ao ake a maeka i aon te aba a kim'areirei ma ni kakatonga; ao ane a na kanako b'aintangira ni bon nakoia n tatabemaniia nako; b'a burabeti ake uoman akekei bon taan uota te aro ae kamamate nakoia aomata ake a mena i aon te aba.

Te Kaotioti 19:9

Ao e taku te anera nako iu, “Ko na korea ae kaangai, A a kab'aia akana kaoaki nakon ana am'arake ni mare te Tiibuteteei.” Ao e kaangai naba, “Taeka aikai bon taeka aika koaua aika ana taeka te Atua.”

1.Tamuera 25:8

Bon titirakiniia, ao ane a na kaongoraeko. Ti a taonaki ni bongin te bootaki ni kukurei, ao e butiiko Tawita b'a ko na butim'aira n akoira. Ti butiiko b'a ko na anganiira ane e konaa n reke iroum ngaira aika am toro ao nakon raoraom ae Tawita.”