Etita 2:17 - Te B'aib'ara

¹⁷ Ao e tangiria riki te uea nakoia aine ake tabeman, ao e b'aka iroun Nei Etita, ao e anaaki nanona i rouna nakoia aine ake tabeman. Ma ngaia are, e a katokaa te baunuea i aon atuna, ma ni karikia b'a te ueanaine n onea mwiin Nei Watiti.

Etita 2:17 ပူးပေါင်းရင်းမြစ်များ

Etita 1:11

E tuangiia b'a a na kaira te ueanaine are Watiti nakoina, ao e na katokaa ana baunuea. Bon te aine ae e rangi ni botonaine te ueanaine arei, ma ngaia are, e tangiria te uea b'a e na kaota botonainena nakoia ana aobitia ma ana iruwa ni kabane.

Etita 2:16

Ma ngaia are, i nanon ana kaitiua n ririki n uea te uea are Keatiti, n te katebwina n nam'akaina are Tebeta, ao e a uotaki Nei Etita nakon ana bareti te uea are Keatiti.

Etita 4:14

Ngkana ko aki kakarongoa n te aekaki n tai aei, ao ane e na roko te buoka mai karawa nakoia taian I-Iutaia, ao ane a na kamaiuaki, ma ane ko na mate ngkoe ma ana utu tamam, ma ni kamaunaaki. Antai ae e ataia, ao tao ko boni karikaki b'a te ueanaine i bukin te tai aei.

Etita 6:8

Angan te aomata anne taian niiniira n uea, niiniira ake ko kukunnikainiko iai. Ao anganna naba am aoti b'a e na toka i aona, ao am baunuea are e tikiraoi.

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Etekiera 17:24

A na bane kain te buakonikai n ataia b'a I konaa Ngai te UEA ni karuoi aroka aika a rietaata ma ni manga buokia aika a uarereke b'a a na riki rake. I kam'autereterei aroka aika a mawaawa ao ni manga kamawawai aroka aika m'auteretere. Bon aei au taeka Ngai ae te UEA, ao N na bon kakoroa bukin au taeka.

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.