Etita 2:12 - Te B'aib'ara

¹² E nakon teuana te ririki aroni katamaroaan te aine, onoua nam'akainan kabirakina n te b'a are te muura, ao te b'a are te baretam. Ao i mwiin anne, ao a manga uotaki aine nakon te uea are Keatiti, temanna i mwiin temanna.

Etita 2:12 ပူးပေါင်းရင်းမြစ်များ

Etita 2:11

Ao e katoa bong n nanakonako Moretekai i matan m'aneaban nneia buun te uea, b'a e aonga n ataa aron Nei Etita b'a tera ae e riki nakoina.

Etita 2:13

Ngkana e nako te aine temanna man aia auti buun te uea nakon te bareti, ao e kona ni katokai i aona b'aai ake e tangiri.

Etita 2:3

Ko kona n rineia taian aobitia i nanon abam b'a a na kairiia ataeinaine aika a botonaine nakoni nneia buum ikai, n te kaawa ae Tutian, ae atuun kaawan am tautaeka. Angan Ekai are te iunaki are e kakawakiniia aine, b'a e na kawakinia, ao tuua b'a a na tararuaaki raoi.

Etita 2:9

Ao e tatangiraki riki Nei Atita iroun Ekai. Ma ngaia are, e aki manga anga ana tai ma e a waakina naba kakatamaroan te aine arei, ma n anganganna te am'arake ae e okoro. E anganna ana tabo ae e rangi n tamaroa n te tabo arei, are nneia buun te uea, ao e rinei itiman ainen te bareti b'a buokana.

Taeka n Rabakau 7:17

Ao I a tia ni kaboiararai ni boiarara aika a karaoaki man te muura te aroe, ao te tineman.

Ana Anene Toromon 3:6

Tera ae ti nooria ae e tabe n roko man te rereua kaanga te maabubu n nang? Ao iriana boiararan b'aai ni kaboiarara, ma te muura ao te riibano.

Itaia 3:24

A na oneaki mwiin taiani boiarara n taiani boiraa; a na oneaki mwiin taian roo n nuuka, n taian roobu; a na oneaki mwiin taian irannatu aika a biraki n taiani mara n atu. A na oneaki mwiin kunnikai aika a boobuaka ni kunnikai aika a raeraeaki; A na oneaki mwiin te botanaine, n taiani m'akam'aka aika a buakaka i aon rab'ataia.

Itaia 57:9

Kam kabira baimi ni b'aan te oriwa ao aekaki ni boiarara nako ngkana kam taromauria te anti are Moreka. Ao kam kakaea naba buokami man tamneia aika a tia ni mate.