Etita 1:6 - Te B'aib'ara

⁶ E katamaroaaki ana bareti te uea n taiani keeten aika a buruu ma ni mainaina, ao a kabaeaki ni karain rinen aika a taim'anuokai aika a raraoi, aika a bae nakon taian m'am'a aika tirewa aika a mena i aon taiani maabora aika a tei ni rinan. Ao a kaotinakoaki taiani kainiwene aika koora ma tirewa nako nanoni m'aneaban te bareti, are e katamaroaaki nanona n taian maabora aika a kiriin ao a mainaina, ma atiibu aika a tamaroa, ma taiani b'aeao aika a raneanea. Ao a rabunaki kaintekateka aika a ab'ab'aki ni kunnikai aika a maraurau aika a bati mataia, ao a mena taian rooti i mataniwiia.

Etita 1:6 ပူးပေါင်းရင်းမြစ်များ

Etita 7:8

E eeinako nako aon ana kaintekateka Nei Etita, b'a e na buubuti nanoangaana, ao ngke e oki te uea nakon te ru man te nne n aroka, ao e nooria n arona arei, ao e takaarua ni kaangai, Tera ae e kataia ni karaoia te m'aane ae e buakaka aei? E na kataia n taua te ueanaine i matau ikai, i nanon oin au bareti? Ngke e tabe n taetae te uea, ao e a roko naba te toro temanna n rabuna atuun Aaman.

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Te Otinako 26:1

Karin keetenin te Um'antabunrianna aika a karaoaki man tebwiina m'akorokoro ni kunnikai aika riinen aika tamaroa. A na riai n rarangaaki man buraen te tiibu ae buru, ae uraro, ao ae uraura, ao a na karaoaki taamnein maan aika maiu aika iai baiia ni kiba aika korootinaki.

Etekiera 23:41

A tekateka i aon kaintekateka aika maraurau, ao te taibora i mataia i bukin b'aan te oriwa ao te b'ai ni kaboiarara are Au b'ai.

Amota 2:8

Ao a wene ni matu i rarikin taabo n taromauri i aon kunnikai aika a anaaki mai rouia aika a kainano b'a b'aai ni kakoaua. Ao anai naba m'aane ake a reke man tuaaia aomata mani kabooa te wain iai, man nim i nanon au tembora.”

Amota 3:12

E taku te UEA, “Ai aron te tia kawakin tiibu ae kunei tii uaai rangan ke tii taningan te tiibu ae e kanaki iroun te raian ao ai aroia naba I-Tamaria b'a tii tabeman ake ana reke maiuia mai buakoia. A na reke aia tai ni uoti b'ain aia auti.

Amota 6:4

Bon te bong ae rangi ni kakamaaku nakoimi ngkami aika kam ni wenewene i aon kiemi aika a katamaroaaki, ma n am'am'arake n irikoia kaao ma tiibu aika ataei!

1.Tamuera 28:23

E rawa Tauro ao e taku b'a e na akea te b'ai ae e na kanna. Ma a kaungaa ana aobitia b'a e na am'arake. Ni bon tokina e b'ara nanona, e teirake man te tano, ao e tekateka i aon te kainiwene.