Etita 1:3 - Te B'aib'ara

³ Ao n ana katenua n ririkin tautaeka, e karaoa ana baka n ana am'arake ae e ab'ab'aki i bukiia ana aobitia ma ana taani kairiiri. Ao a roko naba taan kairiiri man te taanga ni buaka mai botia ma Miria, n reitaki naba ma taian kowana ma aomata aika kakannato man aaba nako mai nanon abanueana.

Etita 1:3 ပူးပေါင်းရင်းမြစ်များ

Karikani B'aai 40:20

Ao ngke e a roko ana koro n ririki te uea are B'arao, ao e a karaoa ana baka n am'arake te uea ma ana aobitia ni kabane, ao e kainaomataia ana tia uouota nimana te wain ma ana tia kariki, ao e uotiia nako mataia ana aobitia.

1.Uea 3:15

Ao e uti Toromon, ao e uringa ae E taetae te Atua nakoina n te mii. E okirikaaki nako Ierutarem, ao e tei i matan te Atiniberita ike e anga iai ana karea n raoi ae kakukureian te UEA, ao te karea are i bukin bubutian te Atua ana kakab'aia. Ao i mwiina, e a karaoa ana baka n am'arake Toromon ma ana aobitia nako.

Etira 1:2

Bon uean Botia ngai ae Tairati. E a tia te UEA ae Atuan karawa, are bon Atuaia naba Iteraera ni karikai b'a N na tautaeka i aon taiani botannaomata ni kabane n te aonnaba. Ao e a tia n rineai b'a N na manga karaoa te Tembora i bukina i Ierutarem, are i Iuta.

Etita 1:14

Ao ana aomata ake e aki toki n rarairakiia i bukin te iango bon Karetena, Tetara, Atemata, Taretiti, Mereti, Maretena, ao Memukan, ake bon aobitian Botia ma Miria ake itiman ake a taui nakoa aika a rietaata n te tautaeka.

Etita 1:4

Ao e kaoti kaub'aina ma kakannatona i nanon te maan ae e nakon tebubua waningaun te bong.

Etita 2:18

Ao te uea e karaoa te baka n am'arake ae e ab'ab'aki i bukin karinean Nei Etita, ao e kaoiia ni kabane ana aobitia ma ana taani kairiiri. Ao e anga te motirawa ae e ab'ab'aki nakon ana tautaeka ni kabane, ao e kakerikaaka te angab'ai n rab'ata i nanon ana tautaeka ni kabutaa.

Etita 3:7

Ao n ana katebwi ma uoua n ririki ni uea Keatiti, n te moan nam'akaina, are te nam'akaina are Nitian, ao e a tuatua Aaman b'a e na kaiwanaki ana tai ae e na nakoraoi iai ana m'akuri ni kam'ane. Ao akea b'a e wiia te nam'akaina are te katebwi ma uoua, are Ata.

Itaia 21:2

Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Ieremia 51:11

Boni Ngai ae te UEA, ae I tangira B'aburon b'a e na kamaunaaki, i bukina ngke a urua au Tembora ana taanga ni buaka. Ma ngaia are, kam na kakangii ami kanoanikatebe ngkami aika uean Miria, ao anai ami otanga.

Taniera 5:1

Ao e kaoiia teuana tengaa aomata aika a kakannato te uea are Beretiata nakon ana baka n am'arake ae e buubura, ao a kaai ni mooi wain.

Taniera 5:28

Te bwenauaki, E a tia ni bwenauaaki ueam, ao a anganaki kaain Miria, ma kaain Bootia”

Taniera 6:1

Ao e baireia te uea are Taraiati b'a e na rineia tebubua uangaun koowana aika a na taui nakoa aika kakaawaki i nanon ana tautaeka.

Taniera 8:20

Te tiibu m'aane are ko nooria are iai korona aika uaai bon rab'atan te tautaeka ni Miiria ao ni Bootia.

Mareko 6:21

E reke ana tai Eroria: e reke n ana tai Erote ngke e kauringa ana bongi ni bung, ngke e karaoa te am'arake ae ab'ab'aki i bukiia ake a kakannato n te tautaeka, ao i bukiia mataniwi n taanga ni buaka, ma aomata ake a kakannato i Kariraia.