Etita 1:19 - Te B'aib'ara

¹⁹ Ao ngkana ngaia anne te uea ae ko karineaki, ao ko na katanoata b'a e na aki manga roko Nei Watiti i matam. Ao ko na koroia n aia tua I-Botia ma I-Miria b'a e aonga n aki kona ni manga bitaki. Ao anaa tib'angana n ueanaine n anganiia aine tabeman aika a raoiroi riki.

Etita 1:19 ပူးပေါင်းရင်းမြစ်များ

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

Etita 1:18

Ao ngkana a ongo n te tai aei aron te ueanaine aei buuia aobitian Botia ma Miria, ao ane a na bane naba n aki karineia buuia ni bon te bong naba aei, ao ane a na un buia irouia.

Etita 1:21

Ao e kukurei te uea ma ana aobitia n te iango arei, ao e karaoa ana iango Memukan.

Etita 2:1

Ao i mwiin tabeua te tai ngke e a toki unin te uea, ao e bon tabe naba ni iangoa te b'ai are e a tia ni karaoia Nei Watiti, ma ana katanoata i bukin kabuakakaan Nei Watiti.

Etita 3:9

Ngkana ko nano iai te uea, ao ko na kanakoa am taeka b'a a na tiringaki. Ngkana ko kariaia, ao I berita b'a N na anga 375 te rawaawata te tirewa nakoia am taani kawakina kaub'aim i bukin kabutan am tautaeka.

Etita 8:5

Te uea ae ko karineaki, ngkana ko tabeakinai ao ngkana ko kukurei irou, ao I butiiko b'a ko na karaoa te katanoata ni katoka ana taeka Aaman b'a a na aki karaoaki nanoia, ake taeka ake e anga natin Ammetata are ana kariki Akaaka b'a a na tiringaki I-Iutaia ni kabane i nanon abanueam.

Etita 8:8

Ma e aki konaa ni katokaki te katanoata are e karaoaki n aran te uea ao e kanikinaeaki n ana m'am'a. Ma e ngae n anne, ao kam boni konaa ni koroboki nakoia I-Iutaia n aron te b'ai are kam bon taku; ma kam na koroboki n arau ao ni kanikinaea naba n au m'am'a.

Taniera 6:17

Ao e kainaki matan te b'angab'anga arei n te atiibu, ao e kanim'a ana kanikina ma ana aomata aika a kakannato i aon te atiibu arei, n te aro b'a akea temanna ae e na kamaiua Taniera.

1.Tamuera 15:28

Ao e taku Tamuera, “E a tia te UEA ni bwenaua te tautaeka ni Iteraera man anaia mairoum n te bong aei, ao E na anga nakon temanna ae raoiroi riki nako im.